म्यूजिक भिडियोमा कर्मा शेर्पाको ‘ह्याट्रीक’ - Naya Online

म्यूजिक भिडियोमा कर्मा शेर्पाको ‘ह्याट्रीक’

काठमाडौं, २८ वैशाख ।
पछिल्लो समयमा नयाँ–नयाँ म्युजिक भिडियो सहित दर्शकमाझ चर्चामा छन् ‘कर्मा शेर्पा’ । शेर्पा समुदाय विनित चलचित्र ‘कुसुम’ मार्फत चिनिएका कर्मा यतिवेला भने म्यूजिक भिडियोमा अभिनय र निर्माणमा व्यस्त छन् ।

वैशाख महिनामा मात्रै उनले ४ भन्दा बढी म्यूजिक भिडियो ‘यूट्युव’ मार्फत दर्शक/स्रोतालाई पस्किए । ओखलढुंगा जन्तरखानीमा जन्मिएका शेर्पा राजधानीमै कर्मा थलो बनाएका छन् । तथापि उनका पछिल्ला म्यूजिक भिडियोहरुमा भने ओखलढुंगाकै विभिन्न मनोरम प्राकृतिक दृश्यहरु कैद गरेका छन् । अत्यन्तै सुन्दर र नेपालको आधा भन्दा बढी हिमश्रृंखलाहरु देख्न पाइने जन्तरखानीको धाप, जिल्लाकै उच्च स्थान देम्बा डाँडा, खिजीफलाटे, चुप्लु लगायतका सुन्दर दृश्यहरु म्युजिक भिडियोमा देख्न पाइन्छ । म्युजिक भिडियो हेर्ने स्रोताले सुन्दर प्राकृतिक छटाहरुलाई नजिकबाट नियाल्दै आनन्द अनूभूत गर्न पाउनेछन् ।
अमेरिकातिर वसोवास गर्ने तर नेपाली संगीत र माटोलाई अत्यन्तै माया गर्ने चर्चित गायक गम्बु शेर्पाको शब्द संकलन र स्वरमा सजिएका गीतहरुमा कर्माले म्युजिक भिडियो निर्माण गरेका हुन् । त्यस्तै, नादिङ गायनका अभियान्त इन्द्र गुरुङको नादिङ गीतको समेत भिडियो निर्माण गरिएको शेर्पाले जानकारी दिए । कर्मालाई अभिनयमा पासाङ ल्हमु शेर्पा, छिरिङ शेर्पा, साङ्गे डोमा शेर्पा, सुजेन मगर, ल्हाक्पा शेर्पा, रञ्जु परियार, आङ फूरी शेर्पा, चन्द्र गुरुङ, पासाङ शेर्पा, ङावा शेर्पा, देण्डी शेर्पा, अर्जुन लगायतले साथ दिएका छन् ।
भिडियोमा कतै सेतम्य फुलेको लाली गुराँस देख्न पाइन्छ भने बहुसंख्याक फुलहरुलाई नियाल्न समेत सकिन्छ । त्यस्तै, हिउँमाथि लुटुपुटु गर्दै युवायुवतीहरु मायाप्रेममा रमेका दृश्यहरुले साँच्चिकै मन लोभ्याउँछ । म्यूजिक भिडियोले विशेष गरी लेकामा गोठालाहरुबीचको मायाप्रितको विषय उठान गर्न खोजिएका छन भने कतै प्राकृतिक सुन्दरतासँगै युवा–युवतीवीच अंकुराउने ‘प्रेम’ लाई व्यक्त गर्न खोजिएको प्रष्टै देखिन्छ ।
म्युजिक भिडियोको अर्काे राम्रो पक्ष परिवेश अनुसारको भेषभूषा पनि हो । विशेष गरी हिमाली क्षेत्रमा वसोवास गर्ने शेर्पा समुदायलाई इंगित गरेर भिडियो छायाँकन भएको देखिन्छ । कलाकारहरुले शेर्पा पहिरनमा नृत्य गरेको दृश्यले हामी सांस्कृतीक पहिचानको दृष्टिले कति धनी छौं भन्ने समेत प्रष्टिन्छ ।
भूपेरिभेष्टित मुलुक भए पनि यायायातको विकास भई दुर्गम क्षेत्रमा समेत गाडीमा पुग्न सहज भएका कुरालाई भिडियोले प्रमाणित गर्छ । खिजीफलाटेको चुप्लु भञ्ज्याङ, जन्तरखानीको बुलबुले, पात्लेको ताकलुङ क्षेत्रको दृश्यहरुमा शहरीय केटा गाडीमा पहिलोपटक गाउँ आएको र हर्षबोध भएका सन्देश दिने दृश्य समेटिएको छ ।
म्युजिक भिडियोमा अभियन, निर्देशनमा कदम अघि बढाईरहेका कर्माले आफूसँगै शेर्पा समुदायका नयाँनयाँ अनुहारहरुलाई समेत स्थान दिइरहेका छन् । उनी भन्छन् ‘प्रतिभावान युवाहरुलाई अवसर दिनु मेरो प्रथामिकताको विषय हो । कतिपयले आफूसँग अदभूत प्रतिभा भएरपनि अवसर पाइरहेका हुँदैनन् र भित्रभित्रै प्रतिभाहरु मरेर जान्छ । त्यसो हुन नदिनपनि नयाँ अनुहारलाई समेटिएको हुँ ।’ नवप्रवेशीहरुलाई काम लगाउन निक्कै गाह्रो भएपनि सिक्ने अवसर प्रदान गर्दै अघि बढाउन प्रेरित गरिरहेको बताए ।
कर्माको निर्देशन र अभिनयमा बनेका म्युजिक भिडियोहरुलाई उनकै कम्पनी शेर्पा फिल्मस्ले बजारीकरण गरेका छन् । आफ्नै कला, संस्कृतीको झलकसहित म्युजिक भिडियोहरु रफतारमा सार्वजनिक हुनुले समुदाय हरेक क्षेत्रमा अघि बढीरहेको प्रमाणित भएको यसले युवाहरुमा चेतनाको विकास र आफ्नोपनलाई जोगाउनु क्रियाशिलता देखिएको भन्दै हिमालन शेर्पा सांस्कृतीक केन्द्रका निवर्तमान अध्यक्ष लाक्पा शेर्पाले प्रशंसा गरे ।

प्रस्तुति : पेम्बा (ङवा) शेर्पा

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

धरानमा ‘बन्द बाक्सा’ प्रदर्शन हुने

-प्रकाश दिप्साली राई नडाहा, २५ चैत । कोरोना कहरले रन्थनिएको धरानको रङ्गमन्च २७ गतेबाट...

८० देशका कलाकाहरू सहभागितामा पोखरामा सांस्कृतिक महोत्सव गरिने

काठमाडौं, १६ चैत्र । द वल्र्ड कल्चर आर्टिस एसोसियसन नेपाल र सो जेएम इन्टरटेन्टमेन्टको...

जनगायक जीवन शर्मा र आविष्कार कलाको देशभक्ति गीत ‘यही माटोमा’ बजारमा

काठमाडौं, १३ चैत्र । गीतकार आविष्कार कलाले शब्दमार्फत् देशको पीर, मर्का र वर्तमान अवस्थालाई...

संगीतकार राजेन्द्र बजगाइँको “खेलौ होली…” सार्वजनिक

काठमाडौं ३० फागुन । संगीतकार राजेन्द्र बजगाईंको शब्द, संगीत, सुजता केसी, राजेन्द्र बजगाई, सबिन...

सिटी सफारी चढेर आइन् सविता याखा राई

भिज्युअल आर्टस्को युट्युव च्यानलमार्फत ‘सिटी सफारी’ गीत म्युजिक भिडियोमा सार्वजनिक भएको छ । चोःत्लुङ...

पुर्वेली लोक लयको गीत ’सिटी सफारी …’ सार्वजनिक

-प्रकाश दिप्साली धरान । पूर्वेली लोकलयमा तयार पारिएको बहुप्रतिक्षित गीत ‘सिटी सफारी…’ भिजुअल आर्टसको...

दीपा मग्रातीको ‘आकाश जूनको साथी…’ सार्वजनिक

प्रकाश दिप्साली राई/नडाहा कवि तथा स्टोन आर्टिष्ट दीपा मग्रातीको पहिलो गीत “आकाश जूनको साथी...

हेमनाथ घिमिरेको “बन्द आँखाभित्र” सार्वजननिक

विराटनगर, ६ माघ । साहित्यकार हेमनाथ घिमिरेको शब्दमा स्वर र संगीतवद्ध भएको गीत “बन्द...

रक्साना लिम्बु जिाताउ अभियान अन्तर्गत अमेरिका निवासी किशोर सुब्बाको सहयोग

काठमाडौ, २९ पुस । सुमधुर स्वरकी धनी रुक्साना लिम्बु विविध विधाका गीतहरु गाउन सक्ने...

पाःलाम ‘सिरिजङ्गा तङ्नाम’को छायांकन सम्पन्न

काठमाडौं । लिम्बू भाषाको पाःलाम ‘सिरिजङ्गा तङ्नाम’को बुधबार छायांकन सम्पन्न भएको छ । पाःलाममा...