किरायाले सुरु गर्यो साकेला - Naya Online

किरायाले सुरु गर्यो साकेला

दमक, २७ वैशाख ।  
किरातीहरुको महान चाड साकेला/साकेवा बुधबारबाट सुरु भएको छ ।
वैशाख पूर्णिमाको दिन देखि सुरु भई औंसीको दिनसम्म साकेला सिली नाच्दै मनाइने यस चाड विशेष गरेर नेपालको पूर्वी जिल्लाहरुमा र विदेशमा समेत मनाउदै आइएको छ ।  किराती राजा बुधहाङ र चेली सोइसोइलाको कथा जोडिएर आउने यस साकेलामा ढोल, झ्याम्टा बजाउँदै हातमा सेलोमि, पोमि र सिमली सेउली हल्लाउँदै साकेला गीत गाउँदै सोइसोइला चेलीलाई सम्झिने गरिन्छ । कथामा सोइसोइला चेलि हराएको र खोजि गदै सोइ सोइला.. हो… सोइसोइला… भन्दै खोजिएको र यहि अहिले साकेलामा परिणत भएको मिथक छ ।
साकेला उभौलीकै अवसरमा बुधबार झापाको दमकमा किरात राई यायोक्खा दमक नगर समितिको आयोजनामा भव्य साकेला उभौली कार्यक्रम सम्पन्न भएको छ । नगर समितिका अध्यक्ष वासुदेव राईको अध्यक्षतामा सम्पन्न उक्त कार्यक्रममा किराया झापाका अध्यक्ष इन्द्रमान चाम्लिङ राईको प्रमुख आतिथ्यता रहेको थियो ।
कार्यक्रममा बोल्दै प्रमुख अतिथि राईले भन्नुभयो –‘हामिले यस साकेला चाडलाई आफ्नो पहिचानको सांस्कृतिक आन्दोलन स्वरूप विविध रूपमा मनाउने आइएको छ । यो पहिचानको आन्दोलन, संस्कृतिको आन्दोलनमा हामिले साकेला चाडलाई प्रमुख पहिचानको रुपमा स्थापित गर्नेछौं ।’
कार्यक्रममा किरात राई यायोक्खाका केन्द्रीय सदस्य दिपेनबाला राई, यायोक्खाका संस्थापक जितमान राई, किराया झापाका कोषाध्यक्ष किसन राई, जिल्ला सदस्य सुशील राई, किरात राई विद्यार्थी संघका केन्द्रीय सचिव सुसन रुङमाहाङ राई, किराया झापा सल्लाहाकार अर्जुन राई, किरात राई पत्रकार संघ झापाका पूर्व अध्यक्ष अनिलदेव राई, किरात याक्थुङ चुम्लुङ दमक नगर सचिव ओममाया आङदेम्बे, समाजसेवी जितेन राई, माओवादी नेता तीर्थराज बस्नेत शंकर लगायको उपस्थिति रहेको थियो ।
कार्यक्रममा किराया नगर उपाध्यक्ष धनजित राईले स्वागत गर्नुभएको थियो भने सचिव खेमबहादुर राईको सञ्चालन रहेको थियो । त्यस्तैगरि बुधबार नै झापाका विभिन्न स्थानमा हर्षोल्लाहसका साथ साकेला मनाइएको छ । किरात राई यायोक्खा लखनपुर प्रा.स.को आयोजनामा विष्णुकठ्ठा लखनपुरमा, तोपगाछी प्रा.स.को आयोजनामा तोपगाछीमा, कन्काई नगर समितिको आयोजनामा सुरुङ्गा साकेला थानमा, विर्तामोड नगर समितिको आयोजनामा विर्तामोड साकेला थानमा, गरामनी प्रा.स.को आयोजनामा गरामनी सैनिक साकेला थानमा र बाहुनडागि प्रा.स.को आयोजनमा बाहुनडाँगी सोताङ डाँडा साकेला थानमा साकेला सिली नाचिएको हो ।
यायोक्खा झापाले साकेला उभौली झापा भरका प्रारम्भिक समितिहरुमा विभिन्न स्थानमा विभिन्न मितिमा मनाउने गरेको छ । सबै प्रारम्कि समितिहरुको आयोजनामा साकेला सम्पन्न भएपश्चात झापा जिल्ला साकेला थान सितापुरी साकेला चौकमा जेठ २० गते शनिबार मनाउने तालिका रहेको किरात राई यायोक्खा झापाका सदस्य सुशील राईले जानकारी दिनुभयो ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

ब्रोइलर कुखुराको रोग मानिसमा पनि लाग्दैनः भेटेरिनरी एशोसिएशन

काठमाडौं । बजारमा हल्ला फैलिए जस्तो ब्रोइलर कुखुराको रोग मानिसमा पनि लाग्न सक्ने तथ्यमा...

छुट्टाछुट्टै सवारी दुर्घटनामा ६ जनाको मृत्यु

काठमाडौं, १२ वैशाख । सुर्खेत, भेरीगंगा नगरपलिका–५ रत्न राजमार्ग सडकमा नेपालगञ्जबाट सुर्खेततर्फ आउँदै गरेको...

हामीले पनि आफ्नो तर्फबाट गर्न सक्ने सेवामा योगदान गरौँः मन्त्री चौधरी

काठमाडौँ, १२ वैशाख । महिला, बालबालिका तथा ज्येष्ठ नागरिक मन्त्री भगबती चौधरीले मानव सेवा...

त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी

काठमाडौं । त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी भएको छ । नागरिक उड्डयन...

काठमाडौँबाट धनकुटा आएको हायस मुलघाटमा दुर्घट्ना

धनकुटा । काठमाडौबाट धनकुटा आएको माइक्रो हायस धनकुटा ९, मुलघाटमा अनियन्त्रित भई ५० फिट...

आध्यात्मिकताले खराबी गर्दैन समाजको शुद्धीकरण गर्छः मन्त्री चौधरी

सुनसरी, ३ वैशाख । महिला, बालबालिका तथा ज्येष्ठ नागरिक मन्त्री भगवती चौधरीले सुनसरीको धार्मिक...

धादिङको थाक्रे गाउँपालिका वडा नं ३ झण्डाचुलीमा झण्डातोलन कार्यक्रम सम्पन्न

धादिङ । धादिङको थाक्रे गाउँपालिका वडा नं ३ को झण्डाचुलीमा नेपालको राष्ट्रिय झण्डातोलन कार्यक्रम...

नयाँ वर्षको दिन नुवाकोटमा माङ्चेभुमे जात्रा

नुवाकोट । नुवाकोट जिल्ला शिवपुरी गाउपालिका १ मा नयाँ वर्षको उपलक्ष्यमा सदाको वर्षझैँ भगवान...

शिक्षाको गुणस्तर सुधार गर्न आधारभूत तहबाटै थालनी गर्नुपर्छः मन्त्री चौधरी

काठमाडौँ, ३० चैत । महिला, बालबालिका तथा ज्येष्ठ नागरिकमन्त्री भगवती चौधरीले शिक्षामा गुणस्तरीयता ल्याउन...

सहिद बान्तावाको स्मृति र अर्को संयोग ‘उपनिर्वाचन’

सजन राई माङसेबुङ, २८ चैत । निरंकुश पञ्चायतले ४५ वर्षअघि २७ वर्षीय लक्का जवान...