जापान । किरात याक्थुङ चुम्लुङ जापानले यक्वा तङ्नाम (उभौली पर्व) मनाएको छ । ५ मे २०१७ का दिन चुम्लुङले सम्मान कार्यक्रमसहित यक्वा तङनाम मनाएको हो । जापानको राजनधानी टोक्योस्थीत शिनओकुवोमा भएको कार्यक्रममा चुम्लुङ जापानका संस्थापक सदस्य तथा याक्थुङ सेवा कोष स्थापनार्थ सहयोग गर्ने सदस्यहरुलाई सम्मान गरिएको थियो ।
सन् १९९८ मा स्थापना गरिएको याक्थुङ सेवा कोषबाट हाल नेपालमा अध्ययनरत लिम्बू विद्यार्थीहरुमध्ये उत्कृष्ट हुने ६ जना विद्यार्थीहरुलाई छात्रवृति प्रदान गरिरहेको कियाचु जापानका अध्यष सुमन लिम्बूले जानकारी दिनुभयो ।
कार्यक्रमका प्रमुख अतिथि नेपाल आदिवासी जनजाति महासंघ जापानका सहअध्यक्ष कान्छा शेर्पाले विभिन्न जातजातिको आ–आफ्नो संस्कार संस्कृतिलाई संरक्षण गर्न यस्ता कार्यक्रमले टेवा पुग्ने बताउनुभयो । यस्तै एनआरएनए जापानका सचिव बुद्धिराज घिमिरेले विभिन्न संघसंस्थाहरुसँग सँधै हातेमालो गरेर अगाडि बढ्ने प्रतिवद्धता व्यक्त गर्नुभयो ।
कियाचु जापानका संस्थापक अध्यक्ष रिद्धिबहादुर तुम्बाहाम्फे, निवर्तमान अध्यक्ष देवीबहादुर इङ्नाम तथा सम्मानितहरुको तर्फबाट उज्ज्वल थेबेले पनि मन्तव्य राख्नुभएको थियो ।
सांगीतिक प्रस्तुतिसहित रहेको कार्यक्रममा गायक देवेन्द्र लाओतीले लिम्बू पालाम र अपेक्षा मादेनले नृत्य प्रस्तुत गरेका थिए ।
लिम्बू भाषा तथा संस्कृतिका अभियन्ता मुक्साम लाओतीले यक्वा तङ्नाम (उभौली पर्व)का प्रकाश पार्नुभएको थियो । कार्यक्रमलाई अध्यक्ष सुमन लिम्बूले अध्यक्षता गरेका थिए भने महासचिव लक्ष्मीहाङ आङ्बो र सचिव मनकुमार तुम्साले सञ्चालन गरेका थिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
