संघीय गठबन्धनको संयोजक उपेन्द्र यादव नै भएको घटकहरुको दावी - Naya Online

संघीय गठबन्धनको संयोजक उपेन्द्र यादव नै भएको घटकहरुको दावी

काठमाडौं, २७ वैशाख ।

संघीय गठबन्धनमा आबद्ध बहुसंख्यक घटकहरुले संघीय गठबन्धनको संयोजक उपेन्द्र यादव नै रहेको बताएका छन् ।
गठबन्धनमा आबद्ध लिम्बुवान संयुक्त संघर्ष समिति, शेर्पा स्वायत्त प्रदेश संयुक्त आन्दोलन परिचालन समिति, ताम्सालिङ संयुक्त संघर्ष समिति, मगरात संयुक्त संघर्ष समिति, थरुहट÷थारुवान संयुक्त संघर्ष समिति, तमुवान संयुक्त संघर्ष समिति, नेवाः स्वायत्त राज्य संघर्ष र राष्ट्रिय शिल्पी आन्दोलन नेपालले बुधबार विज्ञप्ति जारी गरेर उपेन्द्र यादव नेतृत्वको गठबन्धन नै आधिकारिक भएको दावी गरेका हुन् ।
विज्ञप्तिमा भनिएको छ, ‘वैशाख २३ गते विभिन्न सञ्चार माध्यमहरुमा सम्प्रेषण भएको कथित प्रेस विज्ञप्तिप्रति हाम्रो गम्भीर ध्यानाकर्षण भएको छ । विगत लामो समयदेखि आदिवासी जनजाति, मधेशी, शिल्पी, खस, मुश्लिम लगायत सम्पूर्ण उत्पीडित वर्ग र समुदायहरुको पहिचान र अधिकारको लागि संघीय गठबन्धन निर्माण भएको सर्वविदितै छ ।’
घटकका नेताहरुले संयुक्त रूपमा हरुताक्षर गरी जारी गरेको विज्ञप्तिमा ‘पछिल्लो समय सम्पूर्ण उत्पीडित वर्ग र समुदायको पहिचान र अधिकारको सुनिश्चितता सहितको एकतालाई तोड्दै, विगत लामो सदयदेखि सहकार्य गर्दै आन्दोलन र संघर्षमा मोर्चाहरुमा अग्रणी र प्रभावकारी भूमिका खेलेको यस गठबन्धनका घटक दल र मोर्चाहरुलाई बेवास्ता गरी यही मिति २०७४ बैशाख २३ गते संघीय गठबन्धनको संयोजक परिवर्तन भएको भन्ने भ्रामक समाचारप्रति हाम्रो घोर आपत्ति छ’ भनिएको छ ।
सञ्चारमाध्यममा आएका समाचार गठबन्धनको आधिकारिक निर्णय नभएर व्यक्तिगत निर्णय भएको विज्ञप्तिमा उल्लेख छ । ‘हामीलाई जानकारी नै नदिई महन्थ ठाकुरको नामबाट आएको उक्त प्रेस विज्ञप्तिप्रति हाम्रो घोरविमति छ । आदिवासी जनजाति, मधेशी, थारु, खस, शिल्पी, मुश्लिम, लगायत सम्पूर्ण उत्पीडित वर्ग र समुदायको हक अधिकारको निम्ति जारी सङ्घर्षलाई सफलतामा पुर्याउन अरु बृहत्तर एकीकृत शक्ति निर्माण गर्नुपर्ने वर्तमान राजनीतिक परिस्थितिमा यसरी घात अन्तर्घात गर्ने कार्य अत्यन्तै लज्जास्पद मात्र नभएर खेदजनक पनि छ ।’
गठबन्धनले आपसी सरसल्लाह गरेर अघि बढ्नुपर्ने विज्ञप्तिमा सुझाव दिइएको छ ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

‘सुनौली रुपौली’ चलचित्र हन्टिङमा

पाँचथर– लिम्बू जातिको सुनौलो रुपौली संस्कारमा  आधारित लिम्बू कथानक चलचित्र ‘सुनौली रुपौली’ निर्माण हुने...

दिवा चेम्जोङः एक सक्षम उम्मेद्वार

स्थानीय निर्वाचन २०७९ का लागि धनकुटाको चौविसे गाउँपालिकामा गठबन्धन दलबाट उपाध्यक्षको उम्मेद्वारी दिएका दिवा...

कान्छी उपमेयर उम्मेद्वार जुनु लिम्बू (सृष्टि खापुङ)

लिम्बू विद्यार्थी मञ्चको आठौं राष्ट्रिय महाधिवेशन २०७३ सालमा इलामको लारुम्बामा हुँदै थियो । उक्त...

‘अमेरिकाको नागरिकता त्यागेर नेपाल भ्रष्ट्राचार गर्न आएको होइन’ –गम्बु शेर्पा

सन् २०२१ मा गम्बु शेर्पाले ‘फर्किएका पाइला’ पुस्तक लेखे । पुस्तकभित्र ६२४ पेजमा गम्बुका...

भेडेटारमा टेम्पो र बस दुर्घटनामा, टेम्पोचालकको मृत्यु

धरान, २ वैशाख । सुनसरीको भेडेटार दुई घुम्तीमुनी बस र टेम्पो दुर्घटनामा परेका छन्...

प्रदेश नं. १ प्रमुखद्वारा आर्थिक कार्यविधि वित्तिय उत्तरदायित्व विधेयक प्रमाणित

विराटनगर, २३ चैत्र । प्रदेश नं. १ का प्रदेश प्रमुख माननीय परशुराम खापुङद्वारा “प्रदेश...

“टिकटको तय नहुन्जेल पार्टीको प्रचार र जनताको मनोभावना बुझ्दै हिडिरहेका छौ”

विराटनगर महानगरपालिकामा चुनावको सरगर्मी शुरु भइसकेको छ । विभिन्न पार्टीका नेताहरूले मेयर तथा अन्य...

चुनाव, खेलाँची होकी वास्तविक ?

मलिसा याक्थुङ्बा लिम्बू सर्वव्यापी स्वीकार्य चुनाव गरिनु पर्छ र सहभागी मतदाताहरू निर्विघ्न हुनुपर्छ ।...

मोरङको लेटाङमा ६५औं राष्ट्रिय सहकारी दिवस

लेटाङ, मोरङ २० चैत्र । ६५ औं राष्ट्रिय सहकारी दिवस –२०७८ प्रदेश नं. १,...

ताल्चा कथा सङ्ग्रहको रचनागर्भ, पात्रमाथिको कथासहितको नयाँसाहित्य

विराटनगर, १९ चैत्र । यस हप्ताको नयाँ साहित्यमा निनाम लोवात्तीको कुलुङ लोककथा, कथाकार दिलिप...