चुलाचुली, २४ वैशाख ।
इलामको चुलचुली गाउँपालिका–१ स्थित चुलाचुली अंग्रेजी बोर्डिङ स्कूलको व्यवस्थापनमा शनिबार सम्पन्न एक दिने निःशुल्क स्वास्थ्य शिविरमा ६ सय भन्दा बढी सेवाग्राहीले सेवा लिएका छन् ।
उक्त शिविरमा विद्यालयका अभिभावक, विद्यार्थी र अन्य बालबालिका गरि ६ सय भन्दा बढीले स्वास्थ्य जाँचको सुविधा पाएका विद्यालयका संस्थापक प्रवीण सापकोटाले जानकारी दिनुभयो ।
स्वास्थ्य शिविरमा नवजात शिशु तथा बाल रोगी विशेषज्ञ डा. रूपेशकुमार सिंह, फिजिसियन तथा सर्जन डा. अमृत पोख्रेललगायतले स्वास्थ्य जाँच गर्नुभएको थियो । सेवाग्राहीहरुलाई दन्त, हाडजोर्नी, नशा रोग, सुगर, प्रेसर र ल्याव सेवा उपलब्ध गराइएको विद्यालयले जनाएको छ ।
दमक–१ स्थित सिद्धिविनायक हेल्थ केयर सेन्टर र करियर गाइडन्स एजुकेसन कन्सलटेन्सी झापाले स्वास्थ्य शिविरका लागि सहयोग गरेको बताइएको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
