दमक, २३ वैशाख ।
प्रत्येक शनिबार दौड आयोजना गर्दै आईरहेको ‘दमक रन’ले शनिबार दमकमा ‘मिडिया रन’ गरेको छ ।
प्रतियोगिताको ७४औं हप्ता अन्र्तगत शनिवारको दमक रनमा विभिन्न मिडियामा कार्यरत पत्रकारहरु दौडिएका थिए । दौड अन्र्तगत पुरुष पत्रकारहरुको लागि ५ किलोमिटर र महिला पत्रकारहरुको लागि ३ किलोमिटर दौड आयोजना गरेको हो ।
५ किलोमिटर दौड अन्र्तगत पुरुषहरुतर्फ पाथिभरा एफएमका चिरञ्जीवि घिमिरे प्रथम भएका छन् । त्यस्तै, दौडमा स्टार एफएमका पदम खड्का दोस्रो भए भने फ्रि लाईन्सरका उत्तर रिजाल तेस्रो भएका छन् । घिमिरेले २२ दशमलव ४६ मिनेटमा सो दुरी पार गरेका थिए । खड्काले २४ दशमलव ११ र रिजालले २७ दशमलव ३४ मिनेटमा दुरी पार गरे ।
त्यस्तै, महिला पत्रकारहरुको ३ किलोमिटर दुरी अन्र्तगत रेडियो झापाकी नबिना थापा प्रथम भइन् । उनले १६ दशमलव १९ मिनेटमा दुरी पार गरेकी हुन् । त्यस्तै, रेडियो झापाकी सञ्जु निरौला दोस्रो भइन् । उनले १६ दशमलव ४६ मिनेटमा पार गरिन् भने हिमशिखर टेलिभिजनकी गीता ढुङ्गना तेस्रो भईन् । उनले १८ दशमलव २२ मिनेटमा दुरी पार गरिन् ।
मिडिया रनमा प्रथम, दोस्रो र तेस्रो हुनेहरुलाई दमक रनका अध्यक्ष दिवस राई, सल्लाहकार एबम् पाथिभरा सिनेमा प्रालिका चैतन्य बराल, कृष्णराज दाहाल लगायतले नगद तथा मायाको चिनो प्रदान गरेका थिए । रनमा पथम, दोस्रो र तेस्रो हुनेहरुले क्रमश ३ हजार, २ हजार र १ हजार प्राप्त गरे । दमकमा सञ्चालित विभिन्न रेडियो, पत्रपत्रिका, अनलाईन खबर र टेलिभिजनमा कार्यरत सञ्चारकर्मीहरुले रनमा सहभागिता जनाएका थिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
