फाल्गुनन्द मार्ग निरीक्षणमा राज्यमन्त्री - Naya Online

फाल्गुनन्द मार्ग निरीक्षणमा राज्यमन्त्री

दमक, २२ वैशाख ।
झापाको दमकबाट इलामको चिसापानी हुँदै पाँचथरको रवि जोड्ने सडक (फाल्गुनन्द मार्ग) को शुक्रबार भौतिक पूर्वधार तथा यातायात राज्यमन्त्री सीताराम मेहताले निरीक्षण गर्नुभएको छ ।
पश्चिम दक्षिणी इलाम र पाँचथरको ग्रामीण भेगका जनतालाई यातायात सञ्जालसँग जोड्ने महत्वपूर्ण उक्त दमक–चिसापानी–रवि सडक (फाल्गुनन्द मार्ग) को राज्यमन्त्री मेहताले निरीक्षण गर्नुभएको हो । बिगत २० वर्षदेखि थालिएको सडक निर्माणमा नेपाल सरकारले २० करोड बढी रकम खर्च गरिसकेको छ ।
झापाको दमकलाई व्यवसायिक हिसाबले प्रत्यक्ष लाभ मिल्ने यस सडक निर्माणमा २० करोड भन्दा वढी रकम खर्च भइसके पनि.हालसम्म सडकको ट्रयाक मात्र खोल्ने काम भएको छ । त्यस्तै सडक खण्डका अधिकांश ठाउँमा पुल तथा कल्भर्ट निर्माणका कामले पछिल्लो आर्थिक वर्षमा गति लिएको सडक उपभोक्ता समितिका अध्यक्ष रेवतराज पुरी गगनले जानकारी दिनुभयो ।
राजमार्गवाट कच्ची ट्रयाक खोल्ने काम पूरा भए पनि दमकदेखि इलामको घर्तीदोभान सम्मको १५ दशमलव ३ किलोमिटर सडक खण्डमा रतुवा खोलाबाटै यात्रा गर्नुपर्ने वाध्यता रहेको निरीक्षणमा आउनुभएका राज्यमन्त्री मेहतालाई उपभेक्ता समितिले जानकारी दिएको हो ।
दमकदेखि इलामको लारुम्बा, चिसापानी हुँदै पाँचथरको रविसम्म ४७ किलोमिटर दुरीको सडक २०४९ सालमा मंसिर ६ गतेदेखि सर्वेक्षण गरिएको थियो । हाल यो सडक निर्माण नेपाल सरकारले पहिलो प्राथमिकता अन्तर्गत बहुवर्षे योजनामा राखेर काम भइरहेको छ । निरीक्षणका क्रममा सडक उपभोक्ता समितिका अध्यक्ष पुरीले फाल्गुनन्द मार्गलाई त्रिदेशीय सडक सञ्जालका रूपमा विकास गर्न राज्यमन्त्री मेहतासमक्ष माग गर्नुभयो । सीमावर्ती भारतको फत्तेपुर र ताप्लेजुङको ओलाङचुङगोला हुँदै चीनसँग जोड्न यो सडक उपयोगी हुने समितिको ठहर छ ।
मन्त्री मेहताले भने सडकको  विकासमा सडक डिभिजन कार्यालयसँग सहकार्य गरेर सक्दो पहल गर्ने बताउनुभएको थियो । यस अघि मन्त्री मेहताले पूर्वाञ्चल डिभिजन सडक कार्यालय दमक र सडक डिभिजन कार्यालय दमकको निरीक्षण गर्नुभएको थियो । निरीक्षणका क्रममा उहाँले जनतालाई परिवर्तनको अनुभूति हुने गरी काम गर्न कर्मचारीहरुलाई निर्देशन दिनुभएको थियो ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

‘सुनौली रुपौली’ चलचित्र हन्टिङमा

पाँचथर– लिम्बू जातिको सुनौलो रुपौली संस्कारमा  आधारित लिम्बू कथानक चलचित्र ‘सुनौली रुपौली’ निर्माण हुने...

याक्थुङ फिल्म्सले ल्यायो नयाँ ऐतिहासिक पालाम

फेदेन – लिम्बू भाषाको पालाम ‘फुङ्फुङ्देन’को म्युजिक भिडियोको म्युजिक भिडियो बुधबार सार्वजनिक भएको छ । याक्थुङ...

भेडेटारमा टेम्पो र बस दुर्घटनामा, टेम्पोचालकको मृत्यु

धरान, २ वैशाख । सुनसरीको भेडेटार दुई घुम्तीमुनी बस र टेम्पो दुर्घटनामा परेका छन्...

गोलाञ्जोरमा एमालेबाट बराल सर्वसम्मत उम्मेदवार

सिन्धुली, २७ चैत्र । सिन्धुली जिल्लाको गोलाञ्जोर गाउँपालिकाको अध्यक्ष पदको उम्मेदवारका लागि नेकपा एमालेले...

काठमाडौंमा संस्कृति संरक्षण समाजको स्थापना

काठमाडौँ, २७ चैत्र । रैथाने नेपाली संस्कृतिको संरक्षण एवम् सम्बद्र्धन गर्ने उद्देश्यले संस्कृति संरक्षण...

कुम्मायक साहित्यिक एवं सास्कृतिक सङ्गोष्ठी कार्यक्रम सम्पन्न

-पदम सुखी सम्बाहाम्फे पान्थर, २५ चैत । कुम्मायक गाउँपालिकाको केन्द्र यासोकमा आज कुम्मायक साहित्यिक...

ताप्लेजुङमा जसपाले चयन गर्यो उम्मेद्वार

ताप्लेजुङ, २१ चैत्र । जनता समाजवादी पार्टी (जसपा) ताप्लेजुङले आगामी बैसाख ३० गते हुन...

प्रदेश प्रमुखद्धारा चिचिरी–गेन्द्रो दिवस –२०७८ को उद्घाटन

उर्लाबारी, १९ चैत्र । प्रदेश नं. १ प्रमुख माननीय परशुराम खापुङले दोश्रो चिचिरी–गेन्द्रो दिवस...

भाषणबाट दिक्क भएको बेला कविता सुन्दा आनन्द लाग्यो –प्रदेश प्रमुख खापुङ

विराटनगर, १९ चैत्र । सँधै भाषण सुन्दा र भन्दा वाक्क लागेको बेला कविता सुन्दा...

पथरी सनिश्चरेमा हुक्पा चोङवाङको १ दिने अन्तर्त्रिरयात्मक प्रशिक्षण कार्यक्रम सम्पन्न

पथरी, १९ चैत्र । मोरङ जिल्लाको पथरी सनिश्चरे स्थित सिरिजंगा धार्मिक बनको विश्राम भवनमा...