काठमाडौं, २२ वैशाख ।
प्रमुख प्रतिपक्षी दल नेकपा एमालेको विरोध र नाराबाजीका बीच सरकारले प्रधानन्यायाधीश सुशीला कार्कीविरुद्ध दार्ता गरेको महाअभियोग प्रस्तावमाथि व्यवस्थापिका संसदमा छलफल सुरु भएको छ ।
व्यवस्थापिका संसद्को शुक्रबारको बैठक सुरु हुनासाथ एमालेका सांसदहरुले संसद्मा नाराबाजी गरेका थिए । तर, सभामुख ओनसरी घर्तीमगरले शुक्रबारको संसद् बैठकमा शून्य र विशेष समयको कार्यसूची हटाएको भन्दै महाअभियोग प्रस्ताव बारे छलफलका लागि समय ताकिएको जानकारी दिनुभयो ।
एमालेका संसादहरुले रोष्टम घेराउ गरेर चर्को नाराबाजी गर्दागर्दै सभामुख घर्तीले महाअभियोग प्रस्तावमाथि छलफलका लागि शुक्रबार १ बजेका लागि समय तोक्नुभएको थियो ।
सत्तारुढ काँग्रेस र माओवादीका सांसदहरुले प्रधानन्यायाधीश कार्कीविरुद्ध १७ गते आइतबार महाअभियोग प्रस्ताव दर्ता गराएका हुन् ।
संसद् बैठक सुरु हुनु अघि सभामुखको आह्वानमा तीन दलका शीर्ष नेताहरुको बैठक बसेको थियो । तर, कार्कीको कार्यकाल सकिनु अघि नै महाअभियोगबारे संसद्ले निर्णय गर्नु पर्ने एमालेको मागबारे ठोस सहमति भने हुन सकेको थिएन ।
आफ्ना सांसद्हरुको विरोधका बावजुद संसद्मा महाअभियोग प्रस्ताव बारे छलफल सुरु गराउने सभामुखको निर्णय विरुद्ध संसद् अवरोध कायम राख्ने एमाले संसदीय दलले आकस्मिक निर्णय गरेको छ । यो समाचार तयार पार्दासम्म संसद् बैठक सुरु भएको छैन ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
