काठमाडौं, १९ वैशाख ।
संवैधानिक परिषद्को मंगलबार बसेको बैठकले अख्तियार दुरुपयोग अनुसन्धान आयोगको प्रमुख आयुक्तमा आयोगका कार्यवाहक प्रमुख दीप बस्न्यातको नाम सिफारिस गरेको छ ।
परिषद् बैठकले कार्यवाहक प्रमुख आयुक्त बस्न्यातको नाम संसदीय सुनुवाईका लागि पठाउने निर्णय गरेको हो ।
प्रुमखका लागि सिफारिसमा पर्नुभएका आयुक्त बस्न्यातले अख्तियारको कामकारबाहीलाई सन्तुलित र प्रभावकारी बनाउने बताउनुभएको छ । सञ्चारमाध्यमहरुलाई प्रतिक्रिया दिँदै बस्न्यातले अख्तियारका काम कर्तव्य बारे आफू परिचित नै रहेको भन्दै आफ्नो छोँटो कार्र्यकालमा प्रभावकारी काम गरेरै देखाउने जिकिर गर्नुभएको हो ।
अख्तियारको गिरेको साख उचो बनाउन सामूहिक कार्यप्रणालीमा जोड दिएर काम गर्ने उहाँले बताउनुभएको छ । संसदीय सुनुवाईपछि उहाँले अख्तियार प्रमुखको जिम्मेवारी सम्हाल्नु हुने छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
