सुन व्यवसायीलाई रिहा गर्न सिडीओलाई ज्ञापन - Naya Online

सुन व्यवसायीलाई रिहा गर्न सिडीओलाई ज्ञापन

भद्रपुर, १९ वैशाख ।
एक केजी सुनसहित पक्राउ परि अनुसन्धानमा राखिएका सुन व्यवसायीलाई बिनाशर्त रिहा गर्नुपर्ने मागसहित सुनचाँदी व्यवसायी संघ झापाले झापाका प्रमुख जिल्ला अधिकारी उत्तरकुमार खत्रीसमक्ष ज्ञापनपत्र बुझाएका छन् । गत वैशाख १६ गते झापाको झिलझिलेमा १ किलो सुनसहित प्रहरीले नियन्त्रणमा लिई राजश्व अनुसन्धान विभाग इटहरीको जिम्मा लगाइएका बिर्तामोडस्थित पूर्णिमा ज्वेलर्सका सञ्चालक बैजनाथ साह, व्यवसायी कृष्ण सराफ र सवारी चालक अरुण क्षेत्रीलाई तत्काल स–सम्मान रिहाई गर्नुपर्ने माग गर्दै संघले दबाव दिएको हो ।
आफ्ना माग पूरा नभए कानूनी उपचारका साथै सम्पूर्ण क्षेत्रका व्यवसायीसँग सहकार्य र एकता गरी देशव्यापी रुपमा सशक्त आन्दोलनमा उत्रने सुनचाँदी व्यवसायीहरुले चेतावनी दिएका हुन् ।
संघका अध्यक्ष रुपदल (राजु)विश्वकर्मा र महासचिव उदय शाक्यबाट संयुक्त हस्ताक्षरित ज्ञापनपत्र झापाका प्रजिअ खत्रीलाई हस्तान्तरण गरिएको थियो । मंगलबार झापा (दमक पूर्व)का सुनचाँदी व्यवसायीहरुले व्यवसायसमेत बन्द गरेका छन् । कानुनी प्रक्रिया पूरा गरेर सुनचाँदी ओसारपसारमा सुरक्षा निकायले अनावश्यक दुःख दिएको विरोधमा आन्दोलित हुनेपरेको व्यवसायीहरुको भनाइ छ ।
संघले गत  बैशाख १४ गते काठमाडौंबाट कार्गो भई बुद्ध एयरमा सबै प्रक्रियामा सुरक्षा जाँच पूरा गरी बिर्तामोडस्थित नवदुर्गा ट्रेडिङ कन्सर्न शाखा कार्यालयका लागि पठाइएको १०० किलो चाँदी भद्रपुर विमानस्थलमा लिन जाँदा व्यवसायीहरु मनोज गोयल र पुण्यप्रसाद अधिकारीलाई चाँदीसहित नियन्त्रण लिई एक दिन हिरासतमा राखी ६८ लाख ९ हजार ४ सय रुपैयाँ धरौटीमा मात्र रिहा गरेको हुँदा उक्त विषयमा यथार्थ तत्काल सत्यतथ्य सार्वजनिक गरी व्यवसायीलाई न्याय दिलाउन पनि माग गरेको छ ।
त्यस्तै सबै कानूनी प्रक्रिया पूरा गरी खरिद गरिएको सुनचाँदी एउटै मुलुकभित्र हवाई र स्थल यातायातबाट ओसारपसार गर्दा पुनः सुरक्षा चेकजाँचका नाममा नियन्त्रणमा लिई राजश्वको जिम्मा लगाउने घटना अबका दिनमा नदोहोर्याउन समेत संघले प्रशासन समक्ष माग गरेको छ ।
थोरै मुनाफाका लागि धेरै जोखिम मोलेर व्यवसाय सञ्चालन गर्दै आएका व्यवसायी दोहोरो मारमा परेको र  कानूनी प्रक्रिया पूरा गरेर सुन खरिद  गर्दा यस्तै धरपकडको शिकार र खरिद नगर्दा कालोसूचीमा परे सरह कोटा कटौती गरिँदा अत्यावश्यक परेका बेला उपभोक्ताले सुन नपाउने अवस्था विद्यमान रहेको बताइएको छ ।
२०६६ सालदेखि राष्ट्र बैंकको अनुमतिमा बाणिज्य बैंकहरुमार्फत ‘कोटा प्रणाली’ अन्तर्गत सुनको विक्री वितरण हुँदै आएको तथा सोही बर्षदेखि एलसी खोलेर चाँदीको खरिद विक्री गर्न पाउने व्यवस्था छ ।
सुनचाँदी व्यवसायी संघ झापामा (दमक बाहेक) २४८ व्यवसायी फर्म आवद्ध भई कारोबार गर्दै आएका छन् । कोटा प्रणाली अनुसार झापाका लागि मासिक आठ केजी, साताको दुई केजीका दरले संघले महासंघका केन्द्रीय समितिमा सिफारिस गरेपछि महासंघको सिफारिसमा कोटा पाएको बाणिज्य बैंकमार्फत सुन आपूर्ति हुँदै आएको छ ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

‘लगन जुराई’को म्युजिक भिडियो सार्वजनिक

काठमाडौ । १२ जेठ, २०८१ शनिवार । नेपाली गीत ‘लगन जुराई’ को म्युजिक भिडियो...

पर्यटकीय राजधानी पोखरामा डिष्ट्रिक्ट ३२५ जे को क्याबिनेट अफिसर्स स्कुलिङ कार्यक्रम सम्पन्न

पोखरा । लायन्स इन्टरनेसनल डिष्ट्रिक्ट ३२५ जे ले क्याबिनेट अफिसर्स स्कुलिङ कार्यक्रम सम्पन्न गरेको...

लिम्बुवान मञ्च याङ्वरकको अधिवेशन सम्पन्न, अध्यक्षमा पोलस्टार तावा निर्वाचित

पाँचथर । २३ बैशाख २०८१ आइतबार । संघीय लोकतान्त्रिक राष्ट्रिय मञ्च, संघीय लिम्बुवान प्रान्तीय...

बैशाख २२ गते ‘युप्पारुङ पि?मा’ प्रदर्शन हुने

पाँचथर । २० बैसठ्ठी २०८१ बिहिवार । नेपाली कथानक चलचित्र ‘युप्पारुङ पि?मा’ को विशेष ...

राइफलको नालबाट जीवन नियाल्दा सार्वजनिक

काठमाडौँ । युद्धसाहित्यकार गणेश राईको नवौँ कृति ‘राइफलको नालबाट जीवन नियाल्दा’ संस्मरणात्मक उपन्यासको दोस्रो...

आगलागीबाट विभिन्न ठाउँमा धनमाल जलेर नष्ट

काठमाडौं, १२ वैशाख । सिरहा, औरही गाउँपालिका–२ तुलसीपुर बस्ने २८ वर्षीय महेश कुमार यादवको...

त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी

काठमाडौं । त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी भएको छ । नागरिक उड्डयन...

दुतावासको सहयोग र पिएनसीसीको समन्वयमा दुई नेपालीको उद्धार

जेडी गाउँले क्वालालम्पुर । मलेसियास्थित नेपाली राजदूतावासले दुईजना पीडित नेपाली श्रमिकको उद्धार गरि नेपाल...

फोनिजद्वारा प्रदेशस्तरीय पत्रकार महिलाहरुको प्रथम भेला तथा क्षमता विकास सचेतना कार्यक्रम

इटहरी । नेपाल आदिवासी जनजाति पत्रकार महासंघ (फोनिज) प्रदेश कार्यसमितिको आयोजनामा प्रदेशस्तरीय पत्रकार महिलाहरुको...

अन्तर्राष्ट्रिय परदेशी साहित्यिक समूहद्वारा प्रकाशित परदेशी विम्बहरू… लोकार्पित

धरान । अन्तर्राष्ट्रिय परदेशी साहित्यिक समूहले पुस्तक लोकार्पण, परिचर्चा, सृजना बाचन तथा पुरस्कार सम्मान...