काठमाडौँ, १९ वैशाख । लामो समय विभिन्न संघसंस्था तथा लिम्बूजन्य सांस्कृतिक कार्यक्रमको संयोजनमा व्यस्त रहेका शैलेन्द्र थेबे अभिनयमा पनि झुल्किएका छन् । सुरोज याक्थुङ्बा मादेन र पार्वती राईको स्वरमा आएको ‘ताप्लेजुङको तोङ्बा सुकुटी’ गीतमा उनले अभिनय गरेका हुन् । उनलाई मोडल रुपा आङबुहाङले साथ दिएकी छन् ।
ताप्लेजुङस्थीत चासोक तङनाम/सिरिजङ्गा च्यालेन्जस फुटबल, रनिङ कप (महिला तथा पुरुष) आयोजक समिति र कञ्चनजङ्घा फुङलिङ क्लवले निर्माण गरेको यस गीतका गायक मादेन स्वयं सांस्कृतिक संंयोजक हुन् । थेबे मुल आयोजना समितिको संस्थापक संयोजक हुन् । यसबाहेक हिलिहाङ हाक्पारे पालाम सयङको महासचिव, किरात याक्थुङ चुम्लुङ काठमाडौंको जिल्ला सदस्य, नवजागरण युवा क्लवका संस्थापक सचिव, कञ्चनजङ्गा फुङ्लिङ क्लवका उपाध्यक्ष, थेबे समाज उपत्यका समितिका अध्यक्षमा समेत शैलेन्द्र आवद्ध छन् । उनले अभिनय गरेको यो गीत धेरै अगाडि नै रेकर्डिङ भई लोकप्रिय पनि बनेको थियो । थेबे युवा व्यावसायी पनि हुन् ।
धेरै एल्बमहरु बजारमा ल्याए पनि सञ्चारक्षेत्रबाट टाढा रहेका गायक हुन् सुरोज याक्थुङ्मा मादेन । उनले वि.सं. २०५२ सालमा भएको अधिराज्यव्यापी लोकगीत प्रतियोगितामा दोश्रासमेत भएका थिए । उनले सन्देशमुलक लिम्बू गीत सङ्ग्रह पनि बजारमा ल्याएका छन् । ‘लाङ्गुम्बा नु सेङ्गुम्बा’ बोलको गीत दिनदिनै लोकप्रियताको शिखर चुम्दैछ ।
ताप्लेजुङआसपासमै छायांकन गरिएको गीतलाई लोकेन साँवाले निर्देशन गरेका हुन् । साँवालाई ड्रेसअपमा द हाइल्याण्ड आर्ट, सम्पादनमा निशान घिमिरे, नृत्यमा दिनेश माङ्मु, श्रृङ्गारमा सोम मगराती, छायांकनमा भुपेन्द्र तुम्बाहाम्फेले सहयोग गरेका छन् ।
म्युजिक भिडियोलाई हाइलाइट नेपालले युट्युवमा सार्वजानिक गरेको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
