दमक, १९ वैशाख । लिम्बू भाषा लोप हुन नदिन झापाको दमकमा लिम्बू चलचित्र महोत्सव–२०७४ आयोजना गरिने भएको छ । लिम्बू भाषा, संस्कृतिको संरक्षणका लागि चलचित्रका माध्यमबाट प्रचार–प्रसार गर्ने उद्देश्यले लिम्बू चलिचित्र महोत्सव आयोजना गर्न लागिएको लिम्बू चलचित्रकर्मी संघले जनाएको हो । संघले आइतबार झापाको दमकमा पत्रकार सम्मेलन गरेर आगामी जेठ १७ गतेदेखि दमकको किरात भवनमा तीन दिने तेस्रो लिम्बू चलचित्र महोत्सव आयोजना गर्न लागेको जानकारी दिएको हो । संघका अध्यक्ष एवम् महोत्सव मूल आयोजक समितिका संयोजक सुर्यप्रकाश चेम्जोङले लिम्बू चलचित्रको व्यवसायीक प्रवद्र्धन गर्न र लिम्बू कलाकारहरुलाई एकै ठाउँमा उभ्याउन लिम्बू चलचित्र महोत्सवको आयोजना गर्न लागिएको जानकारी दिनुभएको हो । यसअघि संघले २०५९ सालमा पहिलोपटक पाँचथरको फिदमिमा र २०६७ सालमा सुनसरीको धरानमा दोस्रो लिम्बू चलचित्र महोत्सव गरेको थियो । हालसम्म लिम्बू भाषका २७ चलचित्र बनेका छन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
