काठमाडौँ । ‘धरान सुनसरी’ गायिका जसोदा सुब्बाले पहिलो पटक लिम्बू गीत गाएकी छिन् । ‘तागा नु हाङजाम’ (लिम्बू पहिरन) ले सुहाएको शब्दमा उनले गाएकी हुन् । राजु आङ्देम्बेको शब्द÷संगीतमा रहेको गीतको म्युजिक भिडियो पनि सार्वजानिक भएको छ ।
लोकेन साँवाद्वारा निर्देशित म्युजिक भिडियोमा रोमियन वनेम लिम्बू र आयुष साँवाले अभिनय गरेका छन् । अर्जुन तिवारीको छायांकन, निशाम घिमिरेको सम्पादन रहेको भिडियोलाई तेह्रथुमे ढाका कलेक्सनले भेषभुषा सज्जा गरेको छ ।
किरातहरुको पवित्र स्थान हात्तिवन र भैसेपाटीको सिकाली चौरमा छायांकन गरिएको छ । उक्त गीतलाई गायिकाको आफ्नै युट्युव च्यानल ‘जसोधा सुब्बा’मार्फत सार्वजानिक गरिएको हो ।