काठमाडौँ । एकताका चर्चित गायक जीतेन राई आधुनिक गीतमार्फत पुन एकपटक संगीतआकाशमा छाइरहेका छन् । पछिल्लो पटक आएको ‘सुनमाईको उकालो, मोटर हरर…’ बोलको गीतमार्फत राईले सुदुरपूर्वी आञ्चलिकतालाई उजागर गर्न खोजेका छन् ।
झापा तथा इलामको साँधतिर पर्ने सुनमाई, वर्ने, जोरपिपल, राँके बजार, कन्याम, फिदिम लगायतका स्थानलाई समेटेर गीतको भाका उतारिएको छ । जीतेन राईलाई गायिका मेलिना राईले साथ दिएकी छिन् । कवि ताम्लिङको रचना र कुमार दुमीको संगीतमा उक्त गीत तयार भएको हो । यो गीत गीतको पहिलो एल्बम आकांक्षाबाट निकालिएको हो ।
उक्त गीतलाई निर्देशक लोकेन साँवामार्फत भिज्युअलमा भावार्थ गरिएको छ । राज खिम्दिङ सुब्बा र पार्वती राईले अभिनय गरेको भिज्युवलमा पाँचथर र इलामका रमणीय दृश्य देख्न पाइन्छ । उक्त भिज्युवललाई केकेए क्रियटिभ क्रियसनले युट्युवमा सार्वजानिक गरेको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
