काठमाडौं, १७ वैशाख ।
गृहमन्त्री विमलेन्द्र निधिले पदबाट राजीनामा दिनुभएको छ ।
निधिले आफ्नो राजीनामा सम्बन्धमा केही खुलाउनुभएको छैन । तर, पार्टीभित्रको अन्तरविरोधका कारण राजीनामा दिएको प्रधानमन्त्री कार्यालय स्रोतले दावी गरेको छ ।
राजीनामा दिनुअघि मन्त्री निधिले मुख्य सचिव सोमलाल सुवेदीलाई राजीनामाको प्रक्रियाबारे सोध्नुभएको समाचार स्रोतको दावी छ । प्रधानन्यायधीश सुशीला कार्कीविरुद्ध संसद्मा महाअभियोग प्रस्ताव पेश गरिएको विषयलाई लिएर असन्तुष्टी जनाउँदै उहाँको राजीनामा आएको पनि धेरैको अनुमान छ । तर, यस बारेमा निधिले केही खुलाउनुभएको छैन ।
राजीनामा दिनुअघि उहाँले प्रधानमन्त्री पुष्पकमल दाहाल प्रचण्डलाई टेलिफोन गरी आफूले राजीनामा दिन लागेको जानकारी गराउनुभएको स्रोतले जनाएको छ ।