काठमाडौं, १५ वैशाख ।
स्थानीय तहको निर्वाचनमा सुरक्षाका लागि नेपाली सेना परिचालन गर्ने सरकारी निर्णयप्रति संघीय समाजवादी फोरम, नेपालले असहमित जनाएको छ ।
सेना परिचालनको उक्त निर्णयप्रति पार्टीको गम्भीर ध्यानाकर्षण भएको ससफो नेपालका अध्यक्ष उपेन्द्र यादवबाट शुक्रबार जारी विज्ञप्तिमा भनिएको छ ।
यादवले विज्ञप्तिमार्फत निर्वाचन एकै पटक सम्पन्न गर्नुपर्ने भन्दै सेना परिचालनको विरोध गर्नुभएको हो । विज्ञप्तिमा भनिएको छ ‘संघीय लोकतन्त्रको मूल मर्म र मूल्य मान्यता विपरीत संघीयतालाई समाप्त गर्ने षड्यन्त्रले केन्द्र सरकारले नै गराउन लागेको स्थानीय तहको चुनाव दुई चरणमा गराइए पहिलो चरणको मत परिणामले दोस्रो चरणको चुनावी नतिजालाई प्रभावित गर्नुका साथै सामाजिक मनोविज्ञानलाई पनि विभाजित गर्ने हुँदा मिति सारेर एकै पटकमा मत गणना हुने गरी एक चरणमा चुनाव गर्न उपयुक्त हुने ठहर गर्दै दुई चरणको निर्वाचन प्रक्रियाप्रति हाम्रो आपत्ति छ’ ।
विज्ञप्तिमा नेपाली सेना व्यावसायिक संगठन भएकाले चुनावी सुरक्षाका नाममा देशको आन्तरिक मामिलामा परिचालन गर्दा सेनाको गरिमा, प्रतिष्ठा र वर्षौदेखि कायम रहिआएको व्यावसायिकता माथि आँच पुग्न सक्ने भन्दै निर्णय फिर्ता लिन सरकारसमक्ष माग गरिएको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
