कसैको जागिर बचाउन निर्वाचनमा गइन्न : लिङ्देन - Naya Online

कसैको जागिर बचाउन निर्वाचनमा गइन्न : लिङ्देन

कमन देवान
दमक, ७ वैशाख ।

संघीय गठबन्धनको सिटी जुलुश दमकमा ।

संघीय लोकतान्त्रिक राष्ट्रिय मन्चका अध्यक्ष कुमार लिङ्देन मिराकले केही नेताको जागिर बचाइदिनका लागि आफूहरु स्थानीय तहको निर्वाचनमा सहभागी नहुने बताउनुभएको छ ।
बिहीबार झापाको दमकमा संघीय गठबन्धनको पूर्वनिर्धारित लाठी जुलुश कार्यक्रमलाई सम्बोधन गर्दै अध्यक्ष लिङ्देनले कथित निर्वाचन बहिस्कार गरिने बताउनुभएको हो । लिङ्देनले भन्नुभयो –‘शेरबहादुर, ओली र प्रचण्डहरुको जागिर जोगाएर लिम्बुवान र तमाम उत्पीडित जनताले सदाका लागि दुःख पाउने स्थानीय तहको निर्वाचन बहिस्कार गर्छौं ।’
लिङ्देनले मधेसलाई छाडेर निर्वाचन गर्ने तयारी मुलुक बिखण्डनको खेल भएको आरोप लगाउँदै यस्तो कार्यको प्रतिवादका लागि गठबन्धन आन्दोलनमा अघि बढेको जिकिर गर्नुभयो । उहाँले भन्नुभयो –‘३१ गतेको मिति स्थागित गरेर सबैले निर्वाचनमा जाने वातावरण तयार गर्नका लागि वार्ता छलफल हुन्छ भने हामी बस्न तयार छौं ।’
लाठी जुलुशपछि आयोजित कोण सभालाई सम्बोधन गर्दै संघीय समाजवादी फोरमका लिम्बुवान प्रदेश मुख्य सचिव लोकसागर साम्बाले संघीय गणतन्त्र नेपालमा गणतन्त्र विरोधी कमल थापा र संघीयता विरोधी चित्रबहादुर केसीहरुले घोषणा गरेको स्थानीय तह निर्वाचनलाई बहिस्कार गर्नुको विकल्प नरहेको बताउनुभयो । साम्बाले भन्नुभयो –‘कथित निर्वाचनले मुलुकका उत्पीडित जाति समुदायका अधिकार थप कुण्ठित गर्दै पहिचान जनित प्रदेशहरुलाई असफल पार्ने काम गर्छ । अन्नतः यो संघीयता समाप्त पार्ने खेल हो । हामी यसलाई रोक्छौं ।’
लिम्बुवान क्रान्तिकारीका अध्यक्ष मिसेकहाङ थाम्सुहाङले बिगतमा लिम्बुवान र गोरखा राज्य सन्धीमार्फत एक भएकाले लिम्बुवानवासी जनतालाई राज्यले उपेक्षा गरे सन्धीको औचित्य समाप्त हुने र लिम्बुवानले स्वातन्त्रतापूर्वक निर्णय गर्न सक्ने चेतावनी दिनुभयो ।

प्रहरी र प्रदर्शनकारीबीच पटक–पटक झडप

संघीय गठबन्धनले स्थानीय तहको विरोधमा आह्वान गरेको आन्दोलनका क्रममा बिहीबार झापाको दमकमा प्रदर्शनकारी र प्रहरीबीच पटक–पटक झडप भएको छ । झडपको भिडियो हेर्न यहाँ क्लिक गर्नुस् : https://youtu.be/DppGiSOvbhM
दमकस्थित गणतन्त्र चोकबाट बिहीबार दिउँसो लाठी जुलुश निकाल्न लाग्दा प्रहरीले प्रदर्शनकारीलाई रोक्ने प्रयास गरेको थियो । सो क्रममा सामान्य झडप भए पनि प्रहरी घेरा तोडेर प्रदर्शनकारीले जुलुश सुरु गरेका थिए ।
जुलुशले दमक बजार परिक्रमा गरेर पुनः गणतन्त्र चोकतर्फ फर्कने क्रममा प्रहरीले पुशहाट नजिकै राजमार्गमा प्रदर्शनकारीलाई रोक्न खोज्दा दुई पक्षबीच पुनः झडप भएको हो । झडपमा गठबन्धनको आन्दोलनलाई नेतृत्व गरिरहेका संघीय लोकतान्त्रिक राष्ट्रिय मञ्चका अध्यक्ष कुमार लिङ्देनको हातमा सामान्य चोट लागेको मन्चका नेता अशोक चेम्जोङले जानकारी दिनुभयो ।
प्रदर्शनकारीका तर्फबाट प्रहरीको प्रतिकार गर्दा केही प्रहरी घाइते भएका लिम्बुवान मन्चका सचिव धनराज सुुब्बाले जानकारी दिनुभयो । तर, प्रहरी प्रशासनले भने सो बोर केही जानकारी दिएको छैन ।प्रदर्शनकारीले दमक नगरपालिकाको कार्यालय अगाडि पुगेर गेटमै स्थानीय तह निर्वाचनको विरोधमा कालो झण्डा गाडेका थिए ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

अशोक राई पक्षलाई संसदीय कारवाहीमा सहभागी हुन नदिन सर्वोच्चमा रिट

काठमाडौं, जेष्ठ ६ । जसपा नेपाल फुटाएर छुट्टै पार्टी गठन गरेका अशोक राईपक्ष थप...

छुट्टाछुट्टै सवारी दुर्घटनामा ६ जनाको मृत्यु

काठमाडौं, १२ वैशाख । सुर्खेत, भेरीगंगा नगरपलिका–५ रत्न राजमार्ग सडकमा नेपालगञ्जबाट सुर्खेततर्फ आउँदै गरेको...

आगलागीबाट विभिन्न ठाउँमा धनमाल जलेर नष्ट

काठमाडौं, १२ वैशाख । सिरहा, औरही गाउँपालिका–२ तुलसीपुर बस्ने २८ वर्षीय महेश कुमार यादवको...

समयले डोरिएको छत्रबहादुर दम्पतीको जीवन

देवेन्द्र सुर्केली भक्तपुर जिल्लाको व्यस्त चोक गट्ठाघर । त्यसको २५ मिटर उत्तरदेखि झण्डै १०,१५...

काठमाडौँबाट धनकुटा आएको हायस मुलघाटमा दुर्घट्ना

धनकुटा । काठमाडौबाट धनकुटा आएको माइक्रो हायस धनकुटा ९, मुलघाटमा अनियन्त्रित भई ५० फिट...

शिक्षाको गुणस्तर सुधार गर्न आधारभूत तहबाटै थालनी गर्नुपर्छः मन्त्री चौधरी

काठमाडौँ, ३० चैत । महिला, बालबालिका तथा ज्येष्ठ नागरिकमन्त्री भगवती चौधरीले शिक्षामा गुणस्तरीयता ल्याउन...

कोशी प्रदेशको विशेष अधिवेशन वैशाख ६ गतेको लागि आव्हान

२८ चैत २०८० । २८ चैत २०८० । कोशी प्रदेश प्रमुख माननीय परशुराम खापुङले...

उपप्रधान तथा गृहमन्त्रीसँग निर्वाचन आयोगको छलफल

काठमाडौं ।  नेपाल सरकारका उपप्रधानमन्त्री एवम् गृहमन्त्री रवि लामिछानेसँग निर्वाचन आयोगले आयोगसँग सम्बन्धित जरुरी...

नेपाल इन्जिनियरिङ कलेज हत्याउन खोज्ने लम्बोदर न्यौपाने दोषी ठहर

काठमाडौं । मुनाफा रहित सामाजिक शैक्षिक संस्था हत्याउन उद्यत लम्बोदर कुमार न्यौपानेले गैरकानुनी रुपमा...

अन्ततःहेलिकप्टर चार्टर गरेर भागे पुर्वप्रधानमन्त्री केपी शर्मा ओलि:मध्यपहाडी यात्रा आधिमै टुँगियो

१ पुष २०८० आइतबार, पाँचथर ।  नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले...