दमक, ७ वैशाख ।
नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले बिहीबार झापाको दमकमा स्थानीय निर्वाचनको विरोधमा गरेको सभालाई प्रहरीले बिथोलेको छ ।
दमक चोकको गोरखा डिपार्टमेन्टअघि विप्लव समूहले आयोजना गरको विरोधसभा सुरु हुनै लाग्दा प्रहरीले माइक खोसेर सभा बिथोलिएदिएको हो । त्यसअघि विप्लव समूहले स्थानीय निर्वाचनको विरोधमा नाराबाजी गर्दै दमक चोक परिक्रमा गरेको थियो । र्यालीमा विप्लव समूहका नेता कार्यकर्ताहरुको उल्लेख्य सहभागिता रहेको थियो । 
तर, पार्टीका झापा जिल्ला नेता सुमनसिंह पौडेलले भने प्रहरी हस्तक्षेपका बीच आफूहरुको विरोध कार्यक्रम सफल भएको बताउनुभयो । सभामा पार्टीका स्थायी कमिटी सदस्य धर्मेन्द्र वास्तोला ‘सुदर्शन’, पोलिटव्युरो सदस्य पदम राई, वैकल्पिक केन्द्रीय सदस्य निर्मल लगायतले कथित निर्वाचनको औचित्य नरहेकोले यसलाई पूर्ण खारेज गरेर वैज्ञानिक समाजवादतर्फ उन्मुख हुनुपर्ने धराणा राखेका थिए ।ण्
विप्लव समूहले निर्वाचन वहिस्कार सफल पार्न युवा दस्ता गठन गरी रातो टिसर्टमा मार्च समेत गराएको थियो । निर्वाचनको विरोधमा आयोजित सभा मेची व्युरो इन्चार्ज सुमन लिम्बूको सभाध्यक्षतामा सम्पन्न भएको हो । विप्लव समूहको र्यालीको भिडियो लिंक हेर्न यहाँ क्लिक गर्नुहोस् https://youtu.be/rRVKiHHmTjI
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
