निर्वाचनका लागि संविधान संशोधन आवश्यक : देउवा - Naya Online

निर्वाचनका लागि संविधान संशोधन आवश्यक : देउवा

झापा, ५ वैशाख । नेपाली काँग्रेसका सभापति शेरबहादुर देउवाले स्थानीय तहको निर्वाचन सम्पन्न गरेर मुलुकलाई निकास दिन संविधान संशोधन प्रस्ताव पारित हुन आवश्यक रहेको बताउनुभएको छ ।
मधेसी मोर्चा चुनावमा सहभागी भए आफूहरु दुई चरणमा निर्वाचन गराउन तयार रहेको भन्दै काँग्रेस सभापति देउवाले संविधान संशोधनका लागि एमाले लचक हुनुपर्ने र निर्वाचनमा जान मधेसी मोर्चा तयार हुनुपर्ने जिकिर गर्नुभयो । देउवाले भन्नुभयो –‘आफ्ना अधिकार स्थापित गर्न जनताले चुनाव चाहेका छन् । मधेसी जनतालाई अझ बढी चुनाव चाहिएको छ ।’ स्थानीय तहको निर्वाचन मुलुकको लागि जीवन–मरणको अवस्था भएको भन्दै उहाँले बहुदलीय व्यवस्था टिकाईराख्न चुनावको विकल्प नरहेको दावी गर्नुभयो । झापाको कमल गाउँपालिकास्थित आदिवासी रंगशालामा आयोजित कांग्रेसको १ नम्बर प्रदेशमा आयोजित सभालाई सम्बोधन गर्दै सभापति देउवाले चुनाव नचाहने षड्यन्त्रका कारण राष्ट्रवादको कुरा अघि सारिएको आरोप लगायनुभयो । ‘कसैले मधेसी राष्ट्रवाद, कसैले पहाडी राष्ट्रवादको कुरा गरेर मुलुकमा विखण्डन ल्याउन चाहन्छन् । हामी त्यसलाई रोक्छौं’, देउवाले भन्नुभयो ।
आदिवासी रंगशालालाई मदन भण्डारी नामाकरण गर्न खोजेर एमालेले आदिवासी जनजातिको भावना विपरित जान खोजेको सभापति देउवाले आरोप लगाउनुभयो । एमालेको विकास विरोधी कार्यले आदिवासी रंगशालाको भविष्य अन्योलमा परेको भन्दै उहाँले विरोध गर्नुभयो ।
सभालाई सम्बोधन गर्दै कांग्रेसका वरिष्ठ नेता रामचन्द्र पौडेलले ७० वर्षदेखिको राजनीतिक अस्थिरतालाई छिनोफानो गरेर लोकतन्त्रलाई संस्थागत गर्ने समय आएकाले निर्वाचन अपरिहार्य भएको बताउनुभयो । वरिष्ठ नेता पौडेलले चुनाव विरोधी आन्दोलनमा लागेका मधेसी मोर्चालाई बाटो नबिराउन आग्रह गर्नुभयो । उहाँले भन्नुभयो –‘जनताले अधिकारलाई स्थानीय तहको निर्वाचन माग गरेका छन्, जनताका लागि राजनीति गर्नुभएको हो भने चुनाव रोक्ने काम नगर्नुस् ।’
पौडेलले प्रीतपक्षी एमालेको रवैयाका कारण मुलुकको राजनीतिक परिस्थिति बिथोलिँदै गएको आरोप लगाउनुभयो । ‘एमालेको उग्र राष्ट्रवादले पनि मुलुकलाई हित गरेको छैन । यो काम एमालेले तत्कालै बन्द गरोस्’, उहाँले भन्नुभयो । आदिवासी रंगशालालाई बन्न नदिन एमालेले राजनीति गरेको भन्दै पौडेलले अर्जुनधारास्थित सामुदायिक वन हडपेर पार्टीका कार्यकर्तालाई मनोमानी गर्न दिएको पनि आरोप लगाउनुभयो ।
काँग्रेसको प्रादेशिक सभालाई महामन्त्री शशांक कोइराला, गृहमन्त्री विमलेन्द्र निधि, नेता डा. शेखर कोइराला, भीष्मराज आङदेम्बे, मीन विश्वकर्मा लगायतले सम्बोधन गरेका थिए ।

देउवालाई हाईहाई पौडेललाई बाईबाई

सभालाई सम्बोधन गर्न दिउँसो २ बजे पुगेका सभापतिले देउवाले ५ बजेबाट करिब १७ मिनेट सम्बोधन गर्नुभयो । देउवाले सम्बोधन गर्दा १ नम्बर प्रेदेशका विभिन्न जिल्लाबाट सहभागी नेता कार्यकर्ताको भीडभाड देखिन्थ्यो । तर, देउवाले सम्बोधन नसक्दै भाषण सुन्न आएका काँग्रेस नेता कार्यकता सभाबाट फर्कन सुरु गरेका थिए ।
सभालाई अन्तिम वक्ताका रूपमा सम्बोधन गर्न आएका वरिष्ठ नेता पौडेलले बोल्न सुरु गर्नुअघि नै देउवा आफै पनि मञ्च छाडेर बाटो लागेका थिए । पौडेले लगभग सुनसान रहेको सभामा भाषण गरे ।
उनी बोल्दा मञ्चमा काँग्रेस महामन्त्री शशांक कोइराला, पूर्व अर्थमन्त्री रामशरण महत, पूर्व सञ्चारमन्त्री मृनेन्द्र रिजाल लगायत मात्रै बाँकी थिए । सभामा पौडेललाई सुन्न झापाका केही नेता कार्यकर्ताको मात्रै उपस्थिति रहेको थियो । सुरक्षाका लागि खटिएका प्रहरी र सशस्त्र प्रहरीले भने पौडेलको भाषण सुनेका थिए ।

जततउःररदष्त.थिरद्दयक्ष्बmन्ब्

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

अशोक राई पक्षलाई संसदीय कारवाहीमा सहभागी हुन नदिन सर्वोच्चमा रिट

काठमाडौं, जेष्ठ ६ । जसपा नेपाल फुटाएर छुट्टै पार्टी गठन गरेका अशोक राईपक्ष थप...

छुट्टाछुट्टै सवारी दुर्घटनामा ६ जनाको मृत्यु

काठमाडौं, १२ वैशाख । सुर्खेत, भेरीगंगा नगरपलिका–५ रत्न राजमार्ग सडकमा नेपालगञ्जबाट सुर्खेततर्फ आउँदै गरेको...

आगलागीबाट विभिन्न ठाउँमा धनमाल जलेर नष्ट

काठमाडौं, १२ वैशाख । सिरहा, औरही गाउँपालिका–२ तुलसीपुर बस्ने २८ वर्षीय महेश कुमार यादवको...

समयले डोरिएको छत्रबहादुर दम्पतीको जीवन

देवेन्द्र सुर्केली भक्तपुर जिल्लाको व्यस्त चोक गट्ठाघर । त्यसको २५ मिटर उत्तरदेखि झण्डै १०,१५...

काठमाडौँबाट धनकुटा आएको हायस मुलघाटमा दुर्घट्ना

धनकुटा । काठमाडौबाट धनकुटा आएको माइक्रो हायस धनकुटा ९, मुलघाटमा अनियन्त्रित भई ५० फिट...

शिक्षाको गुणस्तर सुधार गर्न आधारभूत तहबाटै थालनी गर्नुपर्छः मन्त्री चौधरी

काठमाडौँ, ३० चैत । महिला, बालबालिका तथा ज्येष्ठ नागरिकमन्त्री भगवती चौधरीले शिक्षामा गुणस्तरीयता ल्याउन...

कोशी प्रदेशको विशेष अधिवेशन वैशाख ६ गतेको लागि आव्हान

२८ चैत २०८० । २८ चैत २०८० । कोशी प्रदेश प्रमुख माननीय परशुराम खापुङले...

उपप्रधान तथा गृहमन्त्रीसँग निर्वाचन आयोगको छलफल

काठमाडौं ।  नेपाल सरकारका उपप्रधानमन्त्री एवम् गृहमन्त्री रवि लामिछानेसँग निर्वाचन आयोगले आयोगसँग सम्बन्धित जरुरी...

नेपाल इन्जिनियरिङ कलेज हत्याउन खोज्ने लम्बोदर न्यौपाने दोषी ठहर

काठमाडौं । मुनाफा रहित सामाजिक शैक्षिक संस्था हत्याउन उद्यत लम्बोदर कुमार न्यौपानेले गैरकानुनी रुपमा...

अन्ततःहेलिकप्टर चार्टर गरेर भागे पुर्वप्रधानमन्त्री केपी शर्मा ओलि:मध्यपहाडी यात्रा आधिमै टुँगियो

१ पुष २०८० आइतबार, पाँचथर ।  नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले...