निर्वाचन सुरक्षा प्रभावकारी बनाउन निर्देशन
काठमाडौं, ५ वैशाख ।
प्रधानमन्त्री पुष्पकमल दाहाल प्रचण्डले देशको सुरक्षा अवस्थाबारे सुरक्षा निकायका प्रमुखहरुसँग सोधेका छन् ।
मंगलबार बिहान प्रधानमन्त्री निवासमा सुरक्षा प्रमुखहरुलाई डोकेर प्रधानमन्त्री प्रचण्डले सुरक्षा अवस्थाबारे जानकारी लिनुभएको हो । 
प्रचण्डले नेपाली सेनाका प्रधानसेनापति राजेन्द्र क्षेत्री, नेपाल प्रहरीका महानिरीक्षक प्रकाश अर्याल, सशस्त्र प्रहरी बलका महानिरीक्षक सिंहबहादुर श्रेष्ठ र राष्ट्रिय अनुसन्धानका प्रमुख दीलिप रेग्मीलाई सरकारी निवासमा डोकर मुलुकको सुरक्षा बारे चासो लिनुभएको हो ।
प्रधानमन्त्री प्रचण्डले आउँदो वैशाख ३१ सरकारले घोषणा गरेको स्थानीय तहको निर्वाचनलाई सफल पार्न सुरक्षा निकायहरुले गरिरहेको तयारी बारे जानकारी दिनुभएको बावुलाटार स्रेतले जनाएको छ ।
प्रचण्डले तोकिएकै मितिमा चुनाव हुने भन्दै निर्वाचनका लागि प्रभावकारी सुरक्षा तयारी गर्न सुरक्षा प्रमूखहरुलाई निर्देशन दिनुभएको स्रोतको भनाइ छ ।
सुरक्षा प्रमुखहरुले देशमा शान्ति सुरक्षाको अवस्था सामान्य रहेको भन्दै निष्पक्ष, स्वतन्त्र र भयरहित वातावरणमा निर्वाचन सम्पन्न गर्न सुरक्षा निकाय पूर्णतः सक्षम रहेको बताएका थिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
