झापा, ५ चैत ।
प्रधानमन्त्री पुष्पकमल दाहाल प्रचण्ड बिहीबार झापा आउने हुनुभएको छ ।
माओवादी केन्द्र निकट अखिल क्रान्तिकारी झापा जिल्लाको १५औं झापा जिल्ला अधिवेशनको उद्घाटन समारोहमा सहभागी हुन प्रधानमन्त्री प्रचण्ड झापा आउन लाग्नुभएको हो ।
झापाको विर्तामोडमा हुने अखिल क्रान्तिकारी झापा र वाइसिएल नेपाल झापाको संयुक्त अधिवेशन उद्घाटनका लागि प्रचण्डसहित माओवादी केन्द्रका नेता रामबहादुर थापा बादल र सञ्चार मन्त्री सुरेन्द्र कार्की पनि झापा आउने कार्यक्रम तय भएको अखिल क्रान्तिकारीका महासचि वीरेन्द्र बस्नेतले जानकारी दिनुभयो ।
विद्यार्थी र वाइसिएलको संयुक्त अधिवेशन उद्घाटनका लागि आवश्यक तयारी पूरा भएको क्रान्तिकारीकारी स्रोतले जनाएको छ । अशिवेशन उद्घाटनमा प्रधानमन्त्री प्रचण्डसहितका नेता सहभागी हुने भएपछि विद्यार्थी र युवाको उल्लेख्य सहभागिता जुटाउन जिल्लाभर तयारी तिव्र पारिएको अखिल क्रान्तिकारीका केन्द्रीय सदस्य विपिन बस्नेतले बताउनुभयो ।
यसैबीच अखिल क्रान्तिकारीले जिल्ला अधिवेशनका लागि विभिन्न क्याम्पसहरुमा संगठन निर्माणलाई तीव्रता दिएको छ । झापाका विभिन्न क्याम्पसहरुमा गठन कार्यक्रम भइरहेको बताइएको छ । झापाको दमकस्थित आस्था कलेज, मोडल क्याम्पस, युनिक कलेज लगायतमा समिति गठन गरिएको क्रान्तिारीले जानकारी दिएको छ ।
जिल्ला अधिवेशनका लागि वाइसिएलले पनि व्यापक तयारी गरिरहेको समाचार स्रोतले जनाएको छ । माओवादी केन्द्रले स्थानीय तह निर्वाचनको प्रचार गर्ने उद्देश्यले पनि प्रधानमन्त्री एवम् अध्यक्ष प्रचण्डलाई झापा उतार्न लागेको अन्य दलहरुको दावी रहेको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
