बिर्तामोड, ४ वैशाख ।
लिम्बुवानजन्य संगठनहरुको ‘संयुक्त लिम्बुवान मोर्चा’ले निर्वाचन बहिस्कार लगायतका आन्दोलनको कार्यक्रम सार्वजनिक गरेको छ ।
सोमबार झापाको बिर्तामोडमा पत्रकार सम्मेलन गरेर मोर्चाले आउँदो बैशाख ३१ गतेका लागि सरकारले घोषणा गरेको स्थानीय तहको निर्वाचन निर्वाचनलाई बहिष्कार गर्नेसहित एक महिने आन्दोलनको कार्यक्रम घोषणा गरेको हो ।
मोर्चाको एक महिने कार्यक्रम अन्तगर बैशाख ५ गते मशाल जुलुस, ७ गते लाठी÷सिटी जुलुस, ९ गतेदेखि १२ गतेसम्म विभिन्न स्थानमा आमसभा, १३ गते मतदान केन्द्रहरुमा लाठी जुलुस गर्ने तय भएको छ ।
मोर्चाले यसअघि संघीय गठबन्धनले तय गरेको १५ गते मधेश/थरुहट र लिम्बूवान बन्द, १६ गते नेपाल बन्द र २७ गतेदेखि अनिश्चितकालीन नेपाल बन्द गर्ने कार्यक्रमलाई आफ्नो आन्दोलनको कार्यक्रममा जोडेको छ ।
संयुक्त मोर्चाले सोमबार जारी गरेको विज्ञप्तिमा लिम्बूवान प्रदेश समितिका मुख्य सचिव लोकसागर साम्बा, संघीय लोकतान्त्रिक राष्ट्रिय मञ्चका अध्यक्ष कुमार लिङ्देन मिराक, संघीय लिम्बूवान पार्टी नेपालका अध्यक्ष सञ्जुहाङ पालुङवा, लिम्बूवान प्रान्तीय परिषद्, राष्ट्रिय जनमुक्ति पार्टीका अम्बरबहादुर पन्धाक, लिम्बूवान राष्ट्रिय क्रान्तिकारी पार्टीका अध्यक्ष मिसेकहाङ थाम्सुहाङ र लिम्बूवान मुक्ति मोर्चा संघीयवादीका अध्यक्ष खुवास खापुङले हस्ताक्षर गरेका छन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
