आदिवासी अधिकार संरक्षणमा जोड - Naya Online

आदिवासी अधिकार संरक्षणमा जोड

खजुरगाछी, १ वैशाख ।
दक्षिणी झापा, खजुरगाछीका आदिवासीहरुले अबको स्थानीय तहमा आफूहरुको अधिकार संरक्षित हुनुपर्ने माग गरेका छन् ।
शुक्रबार नयाँ वर्ष २०७४ को सिरुवा पावनीका अवसरमा आयोजित शुभकामना आदानप्रदान कार्यक्रमका बोल्दै स्थानीय आदिवासी अगुवाहरुले अब आफूहरुको राजनीतिक, भाषिक, सांस्कृतिक अधिकारसहितको स्थानीय तह बन्नुपर्नेमा जोड दिएका हुन् ।नेपाल आदिवासी जनजाति महासंघ खजुरगाछीले आयोजना गरेको कार्यक्रममा प्रमुख अतिथिको आसनबाट बोल्दै इलाका प्रशासन कार्यालय गौरीगञ्जका प्रमुख सुरेन्द्र थापाले सबैलाई नयाँ वर्ष र सिरुवा पर्वको शुभकामना दिनुभयो । चाडपर्वहरुमा हुने औपचारिक कार्यक्रमहरुले सामाजिक सद्भावमा वृद्धि हुने उहाँको भनाइ थियो ।
महासंघ झापाका प्रचार विभाग प्रमुख कमन देवानले स्थानीय तह विभाजन गर्ने तर आदिवासी जनजाति समुदायका लागि स्वायत्त क्षेत्र, विशेष क्षेत्र र संरक्षित क्षेत्रका बारेमा स्थानीय तह पुनर्संरचना आयोगले किटान नगर्दा समस्या भएको औंलाउनुभयो । देवानले भन्नुभयो –‘स्थानीय तहसँगै स्वायत्त क्षेत्रको पनि किटान हुनुपर्छ, अन्यथा अधिकार विभाजनका लागि स्थायी द्वन्द्व सिर्जना हुन सक्छ ।’ नेपाल आदिवासी जनजाति महासंघले राष्ट्रिय भेलाबाट ६ बुँदे घोषणापत्र जारी गर्दै यथास्थितिमा स्थानीय निर्वाचनमा जान नसक्ने उद्घोष गरेको भन्दै नेपाल आदिवासी जनजाति विद्यार्थी महासंघ झापाका उपाध्यक्ष सुसन राईले राज्यपक्ष गम्भीर हुनुपर्ने जिकिर गर्नुभयो । अदिवासी जनजाति समुदायलाई निर्वाचनमा सहभागी गराउन राज्यले पहल गर्नुपर्ने राईको भनाइ थियो ।
कार्यक्रममा बोल्दै नेपाली काँग्रेसकी महासमिति सदस्य फूलवती राजवंशीले सिरुवा पर्व पुराना मनमुटाव, दुःख सबै छाडेर नयाँ सोचका साथ अघि बढ्न प्रेरित गर्ने पर्व भएको स्पष्ट पार्नुभयो । राजवंशीले अबको स्थानीय तहमा आदिवासी समुदायको अधिकारलाई स्थापित गर्न महासंघको भूमिका अहम हुनुपर्ने जिकिर गर्नुभयो ।
सद्भावना पार्टीका क्षेत्रीय अध्यक्ष पर्वत राजविंशीले मधेसी मोर्चालाई नसमेटी गरिने स्थानीय तहको निर्वाचनले अर्थ नराख्ने जिकिर गरे भने स्थानीय सामाजिक अगुवा राजाबाबु श्रेष्ठले आदिवासी जनजाति समुदायलाई अबको निर्वाचनमा सही ढंगले मतदान गराउन मतदाता शिक्षा आवश्यक रहेको बताउनुभयो ।
कार्यक्रममा विभिन्न दलका स्थानीय अगुवा र सामाजिक व्यक्तित्वहरुको उल्लेख्य सहभागिता रहेको थियो ।
यसैबीच शुक्रबार नै सिरुवा पावनीका अवसरमा लखनपुरस्थित जिम्दार चोकमा आदिवासी मेला सम्पन्न भएको छ । ताजपुरिया समाज कल्याण परिषद्को आयोजनामा लागेको एक दिने मेलामा स्थानीयको उल्लेख्य सहभागिता रहेको थियो ।
परिषद्का पूर्व अध्यक्ष एवम् नेपाल आदिवासी जनजाति महासंघका केन्द्रीय महासचिव नित्यानन्द ताजपुरियाले बिगतका वर्षहरुमा झैं यस पटक पनि सिरुवा पावनीमा मेला लागेको जानकारी दिनुभयो ।

वृद्ध–वृद्धा र पत्रकार सम्मानित

सो अवसरमा महासंघ खजुरगाछीले स्थानीय ७ जना आदिवासी वृद्ध–वृद्धाहरुलाई सम्मान गरेको छ । कार्यक्रमका प्रमुख अतिथि थापाले सम्मानपत्र हस्तान्तरण गर्दै दोसल्ला ओढाएर सम्मान गर्नुभएको थियो ।

जेष्ठ नागरिकहरु ८५ बर्षीया झरीदेवी राजवंशी, ८४ बर्षीया टुमोदेवी ताजपुरिया, ८४ बर्षकै चमारीदेवी गन्गाई, ८० बर्षीय रणबहादुर भूजेल, ८४ बर्षीया सोनामणि मर्मु, ८३ बर्षीया सरस्वती श्रेष्ठ र ८६ बर्षीया आशादेवी राईलाई सम्मान पत्र र दोसल्ला ओढाएर सम्मान गरिएको हो । त्यस्तै स्थानीयस्तरमा आदिवासी समुदायको समाचार सम्प्रेषणका लागि योगदान दिएको भन्दै महासंघ खजुरगाछीले कान्तिपुरकर्मी अर्जुन राजवंशी र पूर्वसन्देशकर्मी झगेन्द्र खड्कालाई सम्मानपत्रसहित दोसल्ला ओढाएर सम्मान गरेको हो ।  आदिवासी घाटुसरी गीत गाएर स्वागत गरिएको कार्यक्रममा महासंघ खजुरगाछीका अध्यक्ष आत्मराम राजवंशीको सभाध्यक्षतामा सम्पन्न भएको थियो ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

ब्रोइलर कुखुराको रोग मानिसमा पनि लाग्दैनः भेटेरिनरी एशोसिएशन

काठमाडौं । बजारमा हल्ला फैलिए जस्तो ब्रोइलर कुखुराको रोग मानिसमा पनि लाग्न सक्ने तथ्यमा...

छुट्टाछुट्टै सवारी दुर्घटनामा ६ जनाको मृत्यु

काठमाडौं, १२ वैशाख । सुर्खेत, भेरीगंगा नगरपलिका–५ रत्न राजमार्ग सडकमा नेपालगञ्जबाट सुर्खेततर्फ आउँदै गरेको...

हामीले पनि आफ्नो तर्फबाट गर्न सक्ने सेवामा योगदान गरौँः मन्त्री चौधरी

काठमाडौँ, १२ वैशाख । महिला, बालबालिका तथा ज्येष्ठ नागरिक मन्त्री भगबती चौधरीले मानव सेवा...

त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी

काठमाडौं । त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी भएको छ । नागरिक उड्डयन...

काठमाडौँबाट धनकुटा आएको हायस मुलघाटमा दुर्घट्ना

धनकुटा । काठमाडौबाट धनकुटा आएको माइक्रो हायस धनकुटा ९, मुलघाटमा अनियन्त्रित भई ५० फिट...

आध्यात्मिकताले खराबी गर्दैन समाजको शुद्धीकरण गर्छः मन्त्री चौधरी

सुनसरी, ३ वैशाख । महिला, बालबालिका तथा ज्येष्ठ नागरिक मन्त्री भगवती चौधरीले सुनसरीको धार्मिक...

धादिङको थाक्रे गाउँपालिका वडा नं ३ झण्डाचुलीमा झण्डातोलन कार्यक्रम सम्पन्न

धादिङ । धादिङको थाक्रे गाउँपालिका वडा नं ३ को झण्डाचुलीमा नेपालको राष्ट्रिय झण्डातोलन कार्यक्रम...

नयाँ वर्षको दिन नुवाकोटमा माङ्चेभुमे जात्रा

नुवाकोट । नुवाकोट जिल्ला शिवपुरी गाउपालिका १ मा नयाँ वर्षको उपलक्ष्यमा सदाको वर्षझैँ भगवान...

शिक्षाको गुणस्तर सुधार गर्न आधारभूत तहबाटै थालनी गर्नुपर्छः मन्त्री चौधरी

काठमाडौँ, ३० चैत । महिला, बालबालिका तथा ज्येष्ठ नागरिकमन्त्री भगवती चौधरीले शिक्षामा गुणस्तरीयता ल्याउन...

सहिद बान्तावाको स्मृति र अर्को संयोग ‘उपनिर्वाचन’

सजन राई माङसेबुङ, २८ चैत । निरंकुश पञ्चायतले ४५ वर्षअघि २७ वर्षीय लक्का जवान...