संघीय गठबन्धन र मधेसी मोर्चा आन्दोलनमा जाने संकेत - Naya Online

संघीय गठबन्धन र मधेसी मोर्चा आन्दोलनमा जाने संकेत

दमक, ३० चैत ।
संघीय गठबन्धनले सरकारबाट मंगलबार संसद्मा पेश भएको दोस्रो संविधान संशोधन प्रस्ताव अस्वीकार गर्ने भएको छ ।
सरकारका तर्फबाट कानुन मन्त्री अजयशंकर नायकले मंगलबार चार महिनाअघि सरकारका तर्फबाट दर्ता भएको संघीयतामा सीमाङ्कन हेरफेरसहितको संशोधन प्रस्ताव फिर्ता लिनुभएको थियो । लगत्तै मंगलबार साँझ सरकारका तर्फबाट मन्त्री नायकले सीमाङ्कन बाहेकको अर्को संविधान संशोधन प्रस्ताव संसद् सचिवालयमा दर्ता गराउनुभएको थियो । त्यस लगत्तै बुधबार संघीय गठबन्धन केन्द्रीय आन्दोलन मूल परिचालन समितिको बैठक बसेर सरकारले पुनः दर्ता गराएको संशोधन प्रस्ताव आफूहरुलाई अमान्य रहेको निर्णय गरेको हो । संघीय समाजवादी फोरम, नेपालको केन्द्रीय कार्यालय तीनकुनेमा गठबन्धनका संयोजक उपेन्द्र यादवको अध्यक्षतामा बसेको बैठकले यस्तो निर्णय गरेको हो ।
बैठकले विगतमा भएका समझदारी, सहमति र सम्झौताहरुको प्रतिकूल हुनुका साथै संघीय गठबन्धनले सरकार समक्ष प्रस्तुत गरेको २६ बुँदे मागलाई समेत बेवास्ता गरी संशोधन प्रस्ताव पेश गरेको भन्दै यसले आन्दोलनरत पक्षका मुद्दाहरुलाई सम्बोधन गर्न नसक्ने गठबन्धनको ठहर छ । बैठकपछि जारी विज्ञप्तिमा ‘गठबन्धन उक्त विधेयकलाई अस्वीकार गर्दै मुद्दाहरुलाई सम्बोधन गराउन निरन्तर संघर्ष जारी राख्ने निर्णय गर्दछ’ भनिएको छ ।
गठबन्धनले संविधान संशोधन गरेर आफ्ना मुद्दाहरुलाई सम्बोधन नगरुञ्जेल स्थानीय तहको निर्वाचनमा सहभागी नहुने निर्णय गरेको यादवबाट जारी विज्ञप्तिमा उल्लेख छ । यसअघि बिहीबार नै संयुक्त लोकतान्त्रिक मधेसी मोर्चाले पनि बैठक बसेर संविधान संशोधन विधेयक अस्वीकार गर्ने र यथास्थितिमा निर्वाचनमा सहभागी नहुने निर्णय गरेको थियो ।
मोर्चाका संयोजक महन्थ ठाकुरको अध्यक्षतामा बसेको बैठकले संशोधन प्रस्तावमा मोर्चा र संघीय गठबन्धनले उठाएका १९ र २६ बुँदे माग नसमेटिएकोप्रति आपत्ति प्रकट गरेको थियो । त्यस्तै सरकार र आन्दोलनरत पक्षबीच भएका सम्झौता कार्यान्वयन नभएकाले विधेयक अस्वीकार गर्ने भनी मोर्चाका अध्यक्षहरुले संयुक्त विज्ञप्ति जारी गरेर आन्दोलनका थप कार्यक्रम समेत जारी गरेको हो ।
आन्दोलनका कार्यक्रम अन्तर्गन मधेसका जिल्लामा शुक्रबार विरोध जुलुश प्रदर्शन गर्ने र वैशाख ४ गते जिल्लास्थित निर्वाचन कार्यालयहरुमा घेराउ गर्ने विज्ञप्तिमा उल्लेख छ ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

अशोक राई पक्षलाई संसदीय कारवाहीमा सहभागी हुन नदिन सर्वोच्चमा रिट

काठमाडौं, जेष्ठ ६ । जसपा नेपाल फुटाएर छुट्टै पार्टी गठन गरेका अशोक राईपक्ष थप...

छुट्टाछुट्टै सवारी दुर्घटनामा ६ जनाको मृत्यु

काठमाडौं, १२ वैशाख । सुर्खेत, भेरीगंगा नगरपलिका–५ रत्न राजमार्ग सडकमा नेपालगञ्जबाट सुर्खेततर्फ आउँदै गरेको...

आगलागीबाट विभिन्न ठाउँमा धनमाल जलेर नष्ट

काठमाडौं, १२ वैशाख । सिरहा, औरही गाउँपालिका–२ तुलसीपुर बस्ने २८ वर्षीय महेश कुमार यादवको...

समयले डोरिएको छत्रबहादुर दम्पतीको जीवन

देवेन्द्र सुर्केली भक्तपुर जिल्लाको व्यस्त चोक गट्ठाघर । त्यसको २५ मिटर उत्तरदेखि झण्डै १०,१५...

काठमाडौँबाट धनकुटा आएको हायस मुलघाटमा दुर्घट्ना

धनकुटा । काठमाडौबाट धनकुटा आएको माइक्रो हायस धनकुटा ९, मुलघाटमा अनियन्त्रित भई ५० फिट...

शिक्षाको गुणस्तर सुधार गर्न आधारभूत तहबाटै थालनी गर्नुपर्छः मन्त्री चौधरी

काठमाडौँ, ३० चैत । महिला, बालबालिका तथा ज्येष्ठ नागरिकमन्त्री भगवती चौधरीले शिक्षामा गुणस्तरीयता ल्याउन...

कोशी प्रदेशको विशेष अधिवेशन वैशाख ६ गतेको लागि आव्हान

२८ चैत २०८० । २८ चैत २०८० । कोशी प्रदेश प्रमुख माननीय परशुराम खापुङले...

उपप्रधान तथा गृहमन्त्रीसँग निर्वाचन आयोगको छलफल

काठमाडौं ।  नेपाल सरकारका उपप्रधानमन्त्री एवम् गृहमन्त्री रवि लामिछानेसँग निर्वाचन आयोगले आयोगसँग सम्बन्धित जरुरी...

नेपाल इन्जिनियरिङ कलेज हत्याउन खोज्ने लम्बोदर न्यौपाने दोषी ठहर

काठमाडौं । मुनाफा रहित सामाजिक शैक्षिक संस्था हत्याउन उद्यत लम्बोदर कुमार न्यौपानेले गैरकानुनी रुपमा...

अन्ततःहेलिकप्टर चार्टर गरेर भागे पुर्वप्रधानमन्त्री केपी शर्मा ओलि:मध्यपहाडी यात्रा आधिमै टुँगियो

१ पुष २०८० आइतबार, पाँचथर ।  नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले...