दमक, २९ चैत ।
लखनपुर ११ झापाको लखनपुरस्थित आदिवासी रंगशालामा जारी पूर्वाञ्चलस्तरीय फुटबल प्रतियोगिताको फाईनलमा प्रवेश गरेको छ ।
प्रतियोगिता अन्तरगत सोमबार भएको सेमिफाईनल खेलमा पूर्व क्षेत्रीय प्रहरी तालिम केन्द्रलाई २–० गोल अन्तरले पराजित गर्दै लखनपुरले अन्तिम दुईमा आफूलाई सुरक्षित गरेको हो ।
लखनपुरको जिताका लागि पहिलो हाफको १०औं मिनेटमा जर्सी नम्बर ६ का मनिस थापाले गोल गरे । यस्तै पहिलो हाफको अतिरिक्त समयमा जर्सी नम्बर १० का निशान लिम्बूले निर्णायक गोल गर्दै लखनपुरको अग्रता दोब्बर पारे ।
प्रहरीले खेल अवधिभर गोलका लागि थुप्रै अवसर निकाले पनि परिणाम दिन सकेन । लखनपुरले सुरुको समयदेखि नै आक्रमक खेल प्रस्तुत गरेको थियो ।
खेलको म्यान अफ दी म्याच प्रहरीका विशाल खवास भए । उनले नगद ३ हजार प्राप्त गरे । स्थानीय नन्द–चन्द्रकुमारी स्मृति प्रतिष्ठानको आयोजनामा भएको प्रतियोगिता अन्तरगत बुधबारको दोस्रो सेमिफाईनल खेल सशस्त्र प्रहरी बल लखनपुर र विर्तामोड युनाईटेडबीच हुने आयोजकले जनाएको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
