दमक, २८ चैत ।
झापाको लखनपुरमा जारी पूर्वाञ्चलस्तरीय फुटबल प्रतियोगिता अन्तर्गगत सोमबारको खेलमा विर्तामोड युनाईटेड क्लब विजयी भएको छ ।
आदिवासी रंगशालामा जारी प्रतियोगितामा सोमबार उर्लाबारी फुटबल क्लबलाई १–० गोल अन्तरले पराजित गर्दै विर्तामोड अन्तिम चारमा प्रवेश गरेको हो । पहिलो हाफमा गोलरहित बराबरि खेलेको टिमको जितका लागि दोस्रो हाफको ५औँ मिनेटमा जर्सी नम्बर १४ का कर्ण लिम्बूको पासको सदुपयोग गर्दै जर्सी नम्बर १५ का पुष्प मादेनले निर्णायक गोल गरेका थिए ।
उर्लाबारीले खेल अवधिभर आक्रमक खेल प्रस्तुत गरे पनि गोल गर्न भने सकेन । खेलको म्याद आफ द म्यच पुष्प मादेन घोषित भए । उनले नगद ३ हजार नगद प्राप्त गरे । 
नन्द–चन्द्रकुमारी आङ्देम्बे स्मृति प्रतिष्ठानकको आयोजनामा भएको प्रतियोगिता अन्तर्गत मंगलबारदेखि सेमिफाईनलका खेलहरु हुने छन् । पहिलो सेमिफाईनल खेल पूर्व क्षेत्रीय प्रहरी तालिम केन्द्र विराटनगर र लखनपुर ११ बीच हुने आयोजकले जनाएको छ ।
प्रतियोगितामा प्रथम हुनेले नगद १ लाख १ हजार १ सय ११ दोस्रो हुनेले नगद ५० हजार १ सय ११ र मेडल ट्रफि र प्रमाणपत्र प्राप्त गर्ने प्रतिष्ठानका सचिव विष्णु सुब्बाले जानकारी दिनुभयो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
