दमक, २६ चैत ।
झापाको लखनपुरमा जारी प्रथम पूर्वाञ्चलस्तरीय फुटबल प्रतियोगिता अन्तर्गत शनिबार भएको खेलमा सशस्त्र प्रहरी बल पाथीभरा गण ( एपीएफ) लखनपुर विजयी भएको छ ।स्थानीय आदिवासी रंगशालामा भएको खेलमा काँकडभिट्टा फुटबल टे«निङ्ग सेन्टरलाई १–० गोल अन्तरले पाखा लगाउँदै शसस्त्र प्रहरी बल अन्तिम चारमा प्रवेश गरेको हो । शसस्त्रका लागि खेलको २७औँ मिनेटमा सुशील राईले निर्णयक गोल गरे ।
निकै कडा प्रतिष्पर्धा भए पनि काँकडभिट्टाले गोल गर्ने अवसर पटक–पटक गुमाएको थियो । पहिलो हाफपछि काँकड्भिट्टाले एपीएफ विरुद्ध आक्रमक खेल प्रदर्शन गरेको थियो ।
खेलको २८ औ मिनेटमा डिएरीया भित्रै फल गरेपछि सशस्त्रका धनबहादुर श्रेष्ठ रातो कार्ड खाँदै मैदानबाट बाहिरिएका थिए । त्यसपछि सशस्त्रले रक्षात्मक खेल खेल्दै आफूलाई विजयी बनाएको हो ।
सो खेलको म्यान अफ द म्याच सशस्त्रका शुसिल राई भए । उनले नगद ३ हजार प्राप्त गरे । म्या अफ दी म्याचको प्रायोजन दमक–४ का युवा व्यवसायी असिम राईले गरेका थिए ।
चैत २५ गतेदेखि शुरु भएको प्रतियोगिता बैशाख २ गतेसम्म चल्ने छ । प्रतियोगितामा पूर्वाञ्चलका चर्चित ८ टिम सहभागी छन् । प्रतियोगिताको विजेताले नगद १ लाख १ हजार १ सय ११ रुपैयाँ र दोो हुनेले नगद ५० हजार रुपैयाँ, ट्रफि तथा प्रमाणपत्र प्राप्त गर्ने छ भने उपजिजेताले ५० हजार १ सय ११ सहित ट्रफी र प्रमाण्पत्र पाउने छ ।
प्रतियोगिता अन्तरगत आइतबार लखनपुर ११ र शरणामती फेन्स क्लब झापा– ७ वीच स्पर्धा हुने आयोजक नन्द–चन्द्रकुमारी आङ्देम्बे स्मृति प्रतिष्ठानका सचिव विष्णु सुब्बाले बताए ।