निर्वाचन बहिस्कार गर्ने मुडमा संघीय गठबन्धन - Naya Online

निर्वाचन बहिस्कार गर्ने मुडमा संघीय गठबन्धन

दमक, १९ चैत ।

आन्दोलनरत संघीय गठबन्धनले स्थानीय तहको निर्वाचन बहिस्कार गर्ने संकेत गरेको छ ।
ठूला तीन दल नेपाली काँग्रेस, नेकपा एमाले र माओवादी केन्द्रले भने जस्तो निर्वाचनका लागि राजनीतिक वातावरण सहज नभएको गठबन्धनका नेताहरुले शनिबार दमकमा आयोजित विरोधसभामा बताएका हुन् । गठबन्धनले आयोजना गरेको विरोधसभामा बोल्दै राष्ट्रिय मधेस समाजवादी पार्टीको अध्यक्ष शरदसिंह भण्डारीले भन्नुभयो – ‘मिडियामा प्रचार गरिए जस्तो राजनीतिक तहमा कुनै सहमति भएको छैन । हाम्रा पूर्ववत अडान कायमै छन् ।’
गठबन्धनमा आबद्ध दलहरु निर्वाचनको विरोधी नभए पनि संविधानमा भएका गलत प्रवधानहरु फालेर पुनर्लेखन वा उपयुक्त संशोधन नगरिएसम्म आफूहरु कुनै पनि निर्वाचनमा नजाने भण्डारीले जिकिर गर्नुभयो । सबैको संविधान नबनेसम्म परिस्थिति नफेरिने भन्दै उहाँले सन्दुक, बन्दुक र कलममा उत्पीडित जनताको पहुँच नपुगेसम्म वास्तविक मुक्ति नहुने दावी गर्नुभयो ।
सभालाई सम्बोधन गर्दै तराई मधेस सद्भावना पार्टीका अध्यक्ष महेन्द्रराय यादवले मृत्यु शैयाँमा छटपटाइरहेको संविधान कार्यन्वयन हनु नसक्ने बताउनुभयो । मुलुकमा एमाले अध्यक्ष केपी शर्मा ओलीले रास्ट्रता कम्जोर पार्ने कित्ताको नेतृत्व गरिरेहको आरोप लगाउँदै यादवले यो अतिवादी सोच भएको जिकिर गर्नुभयो । उहाँले भन्नुभयो –‘पहाड र मधेस दुवैतिर अतिवादीहरुको बिगबिगी छ । उनीहरुबाट मुलुक जोगाउन मुस्किल परिसक्यो ।’ उहाँले संघीय गठबन्धन र लोकतान्त्रिक मधेसी मोर्चाले हिन्दी भाषालाई राष्ट्रिय भाषा बनाउन माग नगरेको भन्दै मधेसी जनतालाई नेपाल विरोधी देखाउन एमालेले यस्तो प्रपञ्च रचेको दावी गर्नुभयो । नागरिकता बारे पनि एमालेले जनमानसमा भ्रम फैलाएको भन्दै उहाँले आफूहरु अंगिकृत नागरिकता पाएकाले राष्ट्रको महत्वपूर्ण पदमा पुग्नुपर्दछ भन्ने पक्षमा नरहेको स्पष्ट पार्नुभयो ।
गठबन्धन सभालाई सम्बोधन गर्दै संघीय लोकतान्त्रिक राष्ट्रिय मञ्चका अध्यक्ष कुमार लिङ्देनले स्थानीय तहको निर्वाचन गर्ने नाउँमा मधेसबाहेक चुनाव गर्ने सोचे मुलुकका लागि गम्भीर परिस्थिति सिर्जना हुने चेतावनी दिनुभयो । लिङ्देनले भन्नुभयो –‘कुनै पनि बहानामा मधेसलाई एक पटक मात्रै कुनै पनि निर्वाचनबाट बाहिर राखेर अघि जाने हो भने नेपाल सरकारले गर्ने कुनै पनि निर्वाचन मधेसमा नहुने स्थिति बन्छ, त्यसैले सत्ताधारी दलहरुले संवेदनशील बन्न जरुरी छ ।’
संघीयता र पहिचानले देशलाई बिखण्डनको खतराबाट मुक्त गर्ने दावी गर्दै उहाँले मुलुकमा उत्पीडिन र अस्थिरता कायम राखिरहन चाहनेहरुले संविधान संशोधनलाई अपव्याख्या गरेको आरोप लगाउनुभयो । हाल तोकिएको स्थानीय तहको निर्वाचन रोकेर संविधान संशोधनसहित संघ, प्रदेश र त्यसपछि स्थानीय तह निर्वाचनमा लाग्न सत्तापक्षलाई लिङ्देनको सुझाव थियो ।
संघीय समाजवादी फोरमका उपाध्यक्ष रकम चेम्जोङले उत्पीडित जनताका विरुद्धको मोर्चालाई यतिबेला एमालेले नेतृत्व गरिरहेको बताउनुभयो । चेम्जोङले भन्नुभयो –‘तर हामी एमाले वा कसैको विरोधमा छैनौं । आफ्ना अधिकारका लागि लडिरहेका छौं ।’ उहाँले हाल ल्याइएको सात प्रदेशले सत्तामा पडक बनाइसकेका समुदायको मात्रै हित गर्ने भन्दै कम्तिमा १० प्रदेश र (शिल्पी) दलित समुदायका लागि गैरभौगोलिक संघीयता आवश्यक रहेको दावी गर्नुभयो ।
संघीय लोकतान्त्रिक राष्ट्रिय मञ्चअन्तर्गतको संघीय लिम्बुवान मञ्चले व्यवस्थापन गरेको कार्यक्रममा मञ्चकी केन्द्रीय सचिव विष्णु भट्टराईको अध्यक्षता रहेको थियो भने संघीय समाजवादी फोरमका लिम्बुवान प्रदेश मुख्य सचिव लोकसागर साम्बाको सञ्चालन रहेको थियो ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

अशोक राई पक्षलाई संसदीय कारवाहीमा सहभागी हुन नदिन सर्वोच्चमा रिट

काठमाडौं, जेष्ठ ६ । जसपा नेपाल फुटाएर छुट्टै पार्टी गठन गरेका अशोक राईपक्ष थप...

छुट्टाछुट्टै सवारी दुर्घटनामा ६ जनाको मृत्यु

काठमाडौं, १२ वैशाख । सुर्खेत, भेरीगंगा नगरपलिका–५ रत्न राजमार्ग सडकमा नेपालगञ्जबाट सुर्खेततर्फ आउँदै गरेको...

आगलागीबाट विभिन्न ठाउँमा धनमाल जलेर नष्ट

काठमाडौं, १२ वैशाख । सिरहा, औरही गाउँपालिका–२ तुलसीपुर बस्ने २८ वर्षीय महेश कुमार यादवको...

समयले डोरिएको छत्रबहादुर दम्पतीको जीवन

देवेन्द्र सुर्केली भक्तपुर जिल्लाको व्यस्त चोक गट्ठाघर । त्यसको २५ मिटर उत्तरदेखि झण्डै १०,१५...

काठमाडौँबाट धनकुटा आएको हायस मुलघाटमा दुर्घट्ना

धनकुटा । काठमाडौबाट धनकुटा आएको माइक्रो हायस धनकुटा ९, मुलघाटमा अनियन्त्रित भई ५० फिट...

शिक्षाको गुणस्तर सुधार गर्न आधारभूत तहबाटै थालनी गर्नुपर्छः मन्त्री चौधरी

काठमाडौँ, ३० चैत । महिला, बालबालिका तथा ज्येष्ठ नागरिकमन्त्री भगवती चौधरीले शिक्षामा गुणस्तरीयता ल्याउन...

कोशी प्रदेशको विशेष अधिवेशन वैशाख ६ गतेको लागि आव्हान

२८ चैत २०८० । २८ चैत २०८० । कोशी प्रदेश प्रमुख माननीय परशुराम खापुङले...

उपप्रधान तथा गृहमन्त्रीसँग निर्वाचन आयोगको छलफल

काठमाडौं ।  नेपाल सरकारका उपप्रधानमन्त्री एवम् गृहमन्त्री रवि लामिछानेसँग निर्वाचन आयोगले आयोगसँग सम्बन्धित जरुरी...

नेपाल इन्जिनियरिङ कलेज हत्याउन खोज्ने लम्बोदर न्यौपाने दोषी ठहर

काठमाडौं । मुनाफा रहित सामाजिक शैक्षिक संस्था हत्याउन उद्यत लम्बोदर कुमार न्यौपानेले गैरकानुनी रुपमा...

अन्ततःहेलिकप्टर चार्टर गरेर भागे पुर्वप्रधानमन्त्री केपी शर्मा ओलि:मध्यपहाडी यात्रा आधिमै टुँगियो

१ पुष २०८० आइतबार, पाँचथर ।  नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले...