झापा, १२ चैत ।
समाजमा शान्ति स्थापना गर्न जनचेतना जगाउने उद्देश्यले स्थानीय शान्ति समिति झापाले जिल्लाको विभिन्न स्थानमा सडक नाटक मञ्चन गरेको छ ।
परिवर्तन थिएटर काँकडभिट्टाको सहकार्यमा शान्ति समितिले जिल्लाका विभिन्न स्थानमा कचहरी नाटक ‘नेपाल आमा’ मञ्चन गरेको हो । समितिले शनिबार दमक, गौरादह र शुरुङ्गामा सडक नाटक मञ्चन गरेको शान्ति समिति झापाको अध्यक्ष जयबहादुर श्रेष्ठले जानकारी दिनुभयो ।
द्वन्द्व पीडितहरु अहिले पनि समाजमा स्थापित नभएको भन्दै नाटको माध्यमबाट उनीहरुमा जनचेतना जगाई समाजमा स्थापित गराउन नाटक प्रर्दशन गरिएको उहाँले बताउनुभयो ।
नाटकमा अधिकार खोज्ने नाममा देशमा अशान्ति मच्चि रहेको भन्ने भाव झल्कन खोजेको थिएटरकी अध्यक्ष कविता नेपालले बताउनुभयो । नाटकमा गणेश बस्नेत, कविता नेपाल, बिमला चिमरिया, सुस्मिता पोखरेल, सम्झना सुब्बा, लोमस पौड्याल, लिला विष्टले अभिनय गरेका छन् । सत्य निरुपण तथा मेलमिलाप आयोगमा परेका उजुरीका आधारमा झापामा कुल ५ सय ८६ वटा द्वन्द्व पीडितको उजुरी छन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
