मोरङ, १२ चैत ।
लिम्बू विद्यार्थी मञ्चको १९औं स्थापना दिवसमा शनिबार पथरी मोरङ स्थित पथरी बहुमुखी क्याम्पसमा ‘समाजशास्त्रीय दृष्टिकोणमा लिम्बूहरु’ विषयक अन्तरक्रिया कार्यक्रम गरेको छ ।
किरात याक्थुङ चुम्लुङका केन्द्रीय सदस्य एवम बुद्धिजिवि कमल तिगेलाले सहजीकरण गर्नुभएको कार्यक्रम लिम्बू विद्यार्थी मञ्च मोरङले आयोजना गरेको हो । कार्यक्रममा किरात याक्थुङ चुम्लुङका कार्यबाहक अध्यक्ष विवेक योङहाङ, किरात राई विद्यार्थी संघका निवर्तमान अध्यक्ष अर्जुन जम्नेली राईलगायतले बोल्नुभएको थियो ।
मञ्चका केन्द्रीय अध्यक्ष फिपराज बेघाको प्रमुख आतिथ्यमा सम्पन्न कार्यक्रममा विभिन्न क्याम्पस शाखा समिति, उमावि शाखा समिति र अभिभावक गरी ८० जनाको सहभागिता रहेको थियो । मञ्च २०५५ साल चैत ६ गते त्रिभुवन विश्वविद्यालय केन्द्रीय क्याम्पस कीर्तिपुरमा स्थापना भएको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
