धनकुटा, ६ चैत ।
जातीय मुक्ति आन्दोलनका अग्रणी नेता कमल छाराहाङको आइतबार जातीय परम्परा अनुसार अन्त्येष्ठी गरिएको छ । 
पछिल्लो समय लिम्बुवान मुक्तीमोर्चा (संघीयबादी) का संयोजक रहनुभएका छाराहाङ आठपहरिया राई समाजका केन्द्रीय अध्यक्ष समेत हुनुहुन्थ्यो । उहाँको धनकुटाको मूलघाटस्थित तमोर खोलामा अन्त्यष्ठी गरिएको हो ।
जातीय पहिचान र संघीयताका लागि आजीवन संर्घष गरेका नेता छाराहाङको ७० वर्षको उमेरमा शनिबार उपचारका क्रममा विराटनगरस्थित नोबेल अस्पतालमा निधन भएको थियो ।
छाराहाङको अन्त्येष्ठीमा लिम्बुवान जन्य पार्टीका शिर्ष नेताहरुको पनि सहभागिता रहेको थियो । आठपहरिया राई समाजको कार्यक्रममा सहभागि हुन शुक्रबार नै धनकुटा पुग्नुभएका छाराहाङ शनिबार मध्यान्ह्र कार्यक्रम स्थलमा अचानक वेहोस हुनुभएको थियो । कार्यक्रममा बसिरहेको अवस्थामा ह्रृदयघात भएर अचानक वेहोस हुनुभएको थियो ।
छाराहाङ तत्काल गोरेबहादुर खपाङ्गीले नेतृत्व गरेको जनमुक्ति पार्टीबाट राजनीतिकमा प्रवेश गर्नुभएको थियो ।
पुख्र्याैली घर धनकुटा भएपनि पछिल्लो समय बिराटनगरमा बस्दै आएका छाराहाङका श्रीमती दुइ छोरा एक छोरी रहेका छन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
