वीरगञ्ज, ६ चैत ।
संघीय समाजवादी फोरम नेपालमा चर्चित उद्योगी व्यापारीहरुको ठूलो समूहसहित तीन हजार मानिस आइतबार प्रवेश गरेका छन् । 
पर्साको पोखरियामा आयोजित पार्टी प्रवेश एवम् जनसभाका बीच उद्योेगी व्यापारीसँगै विभिन्न पार्टी परित्याग गरी करिब तीन हजारको संख्यामा जनता ससफो नेपालमा प्रवेश गरेका हुन् ।
आयोजित सभामा नेपाली काँग्रेस, नेकपा एमाले, नेकपा माओवादी केन्द्र, राप्रपा लगायत विभिन्न पार्टी परित्याग गरि हजारौंको संख्यामा ससफो नेपाल प्रवेश गरेका पार्टीका उपाध्यक्ष लालबाबु राउतले जानकारी दिनुभयो ।
वीरगञ्जस्थित पप्पु कन्स्ट्रक्सनका संचालक हरिनारायण रौनियार र चर्चित उद्योगपति विजय सरावगीसहित तराई मधेस प्रदेशका अभियानका नेता सिपु तिवारी र राष्ट्रिय प्रजातन्त्र पार्टीका जिल्ला नेता अशेश्वर यादव, सत्या सिनेमा हलका संचालक एवम् नेपाली काँग्रेसका नेता प्रमोद साह, हिन्दुवादी नेता ज्योतिलाल कलवार, वैशणी सिनेमा हलका संचालक एवम् नेपाली काँग्रेसका नेता जोगिन्दर साह पार्टी प्रवेश गरेको राउतले बताउनुभयो ।
त्यस्तै नेकपा एमालेका जिल्ला सदस्यहरु नन्दु बैठा र हिमाचल कुशवाहसहित हजारौंको संख्यामा गाउँगाउँबाट आएका आमजनताले बृहत् पार्टी प्रवेश गरेका बताइएको छ । नवप्रवेशी उद्योगपति, व्यापारी, नेता र आमजनतालाई संघीय समाजवादी फोरम नेपालका अध्यक्ष उपेन्द्र यादवले फूलमाला र अबीर लगाइदिएर पार्टी प्रवेश गराउनुभएको हो ।
फोरम नेपाल पर्साका जिल्ला अध्यक्ष प्रदीप यादवको अध्यक्षतामा सम्पन्न कार्यक्रममा उपाध्यक्ष राउत, केन्द्रीय सदस्य करीमा बेगम, सांसद श्रवण अग्रवाल लगायतको उपस्थिति रहेको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
