दमक, ५ चैत ।
लिम्बुवान मुक्ति मोर्चा (संघीयवादी) का संयोजक कमल छाराहाङको निधन भएको छ ।
आठपहरिया राई समाजका केन्द्रीय अध्यक्ष तथा पहिचानवादी नेता छाराहाङको ७० वर्षको उमेरमा शनिवार निधन भएको हो ।
आठपहरिया राई समाजको कार्यक्रममा सहभागी हुन शुक्रबार नै धनकुटा पुगेका छाराहाङ शनिबार मध्याह्न्न कार्यक्रम स्थलमा अचानक बेहोस हुनुभएको थियो ।
कार्यक्रममा वसिरहेको अवस्थामा ह्रृदयघात भएर अचानक वेहोस हुनुभएका उहाँलाई तत्काल उपचारका लागि बिराटनगरस्थित न्युरो अस्पताल पु¥याइएको थियो । उपचारका क्रममा अपराह्न्न तीन बजे तिर निधन भएको उहाँका छोरा सुजन छाराहाङले जानकारी दिनुभयो ।
छाराहाङ तत्काल गोरेबहादुर खपाङ्गीले नेतृत्व गरेको जनमुक्ति पार्टीबाट राजनीतिमा प्रवेश गर्नुभएको थियो । तीस वर्ष लामो राजनीतिक जीवनमा छाराहाङले लाभको पद कहिले धारण गर्नुभएन । लामो समयदेखि जातीय मुक्तिको पक्षमा लडिरहनुभएका नेता छाराहाङ पछिल्लो सयम संघीय लोकतान्त्रिक राष्ट्रिय मञ्च हुँदै लिम्बुवान मुक्ति मोर्चा (संघीयवादी) का संयोजक रहनुभएको संघीयवादीका केन्द्रीय सदस्य जीतेन राईले जानकारी दिनुभयो ।
पुख्र्याैली घर धनकुटा भए पनि पछिल्लो समय बिराटनगरमा बस्दै आउनुभएका छाराहाङको श्रीमती, दुइ छोरा एक छोरी छन् । उहाँको पार्थिव शरीरलाई आइतबार धनकुटा बजारमा अन्तिम श्रदाञ्जलीपछि धनकुटाको मूलघाटमा मुन्धुमी परम्परा अनुसार अन्तिम दाहसंस्कार गरिने बताइएको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
