काठमाडौं, २ चैत ।
संघीय गठबन्धनमा आवद्ध संघीय समाजवादी फोरम, नेपालले बुधबारबाट पुष्पकमल दाहाल प्रचण्ड नेतृत्वको गठबन्धन सरकारलाई दिएको समर्थन फिर्ता लिएको छ । 
ससफो नेपालले बुधबार सभामुख ओनसरी घर्तीमगरलाई सो व्यहोराको पत्र बुझाएर वर्तमान सरकारलाई दिइएको समर्थन फिर्ता लिएको जानकारी गराएको हो ।
ससफो नेपाल संसदीय दलका नेता अशोककुमार राइले हस्ताक्षर गरेको पत्र दलका प्रमुख सचेतक शिवजी यादवले सभामुख घर्तीलाई बुझाउनुभएको हो ।
पत्रमा पार्टीको संसदीय दलको बैठकले समर्थन फिर्ताको निर्णय गरेको उल्लेख छ । हाल संसद्मा ससफो नेपालको १५ सांसद छन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
