मोरङ, १ चैत ।
नेपाल आदिवासी जनजाति महासंघले मंगलबार मोरङको पथरीमा सिटी जुलुस प्रदर्शन गरेका छन् । 
महासंघको पथरीशनिश्चरे नगर समन्वय समितिको आयोजनामा सिटी जुलुस प्रदर्शन गरेको हो । आदिवासी जनजातिहरुको अधिकार स्थापनाका लागि दवाव दिन महासंघले सिटी जुलुस लगाएको हो । पूर्वी बस स्टेनबाट सुरु भएको जुलुस नगर परिक्रमापछि लोकतान्त्रिक चौकमा पुगेर कोणसभामा परिणत भएको थियो ।
जुलुसमा सहभागीले आदिवासी जनजाति उत्थान राष्ट्रिय प्रतिष्ठान खारेजको प्रयास भएपछि महासंघले देशव्यापी रूपमा खबरदारी स्वरुप विभिन्न कार्यक्रमहरु भइरहेको महासंघका केन्द्रीय महासचिव नित्यानन्द ताजपुरियाले जानकारी दिनुभयो ।
महासंघ नगर समन्वय समितिका अध्यक्ष चन्द्र तामाङको नेतृत्वमा निस्केको जुलुसमा संघीय समाजवादी फोरमका केन्द्रीय सदस्य तथा लिम्बुवान राज्य समितिका मुख्यसचिव लोकसागर साम्बा, किराती राष्ट्रिय मुक्ति मोर्चाका महासचिव अर्जुन किराती, लिम्बू विद्यार्थी मञ्चका केन्द्रीय अध्यक्ष फिपराज बेघा लगायत सहभागी थिए । कोणसभामा किरात याक्थुम चुम्लुङका मोरङ जिल्ला कार्यबाहक अध्यक्ष बिबेक लिम्बू लगायतले बोलेका थिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
