काठमाडौं, २९ फागुन ।
डा. रेणुका सोलुद्वारा लिखित भिरमह नामक उपन्यास आइतबार एक समारोहका बीच विमोचन गरिएको छ । 
नेपाल प्रज्ञा प्रतिष्ठानको प्रवचन कक्षमा योङ्ग प्रीन्सेस अफ द युनिभर्स २०१७ रक्षा थापा, लेखक युग पाठक, डा. रजनी ढकाल, सङ्गीत श्रोता र दावा गेलजेन शेर्पाको हातबाट संयुक्त रूपमा विमोचन गरिएको हो । सगरमाथा प्रतिभा प्रतिष्ठान प्रकाशक रहेको सो कृतिका बारेमा डा. साबित्री मल्ल कक्षपती, डा.रजनी ढकाल, युग पाठक र सङ्गीत श्रोताले बोल्नुभएको थियो ।
महिला हिंसा,महिला सशक्तिकरण, हक अधिकार र कर्तव्यका कुरालाई विषयवस्तु बनाएर तयार पारिएको कृतिले समाज रूपान्तरणका लागि महत्वपूर्ण भूमिका निर्वाह गर्ने वक्ताहरुले बताएका थिए ।
समारोहका बीच दावा गेलजेन शेर्पालाई सगरमाथा प्रतिभा सम्मान २०७३ बाट सम्मानित गरिएको थियो ।
सगरमाथा प्रतिभा प्रतिष्ठानबाट आयोजित कार्यक्रममा रमा अधिकारी (यु.के.) प्रायोजक रहनुभएको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
