काठमाडौं, ३० फागुन ।
एसएलसी परीक्षा हटाएर पहिलो पटक गर्न लागिएको माद्यमिक शिक्षा परीक्षा आउँदो चैत ३ गते बिहीबारबाट सुरु हुँने भएको छ ।
परीक्षा नियन्त्रण कार्यालय सानोठिमी भक्तपुरले सोमबार पत्रकार सम्मेलन आयोजना गरेर माद्यमिक शिक्षा परीक्षाको कार्यतालिका बारे जानकारी गराएको हो ।
बिहान ८ बजेबाट ११ बजेसम्म सञ्चालन हुने परीक्षाको पहिलो दिन बिहीबार अनिवार्य अंग्रेजी विषयको परीक्षा हुनेछ । त्यसैगरी चैत ४ गते अनिवार्य नेपाली, ६ गते अनिवार्य गणित, ७ गते अनिवार्य विज्ञान, ८ गते स्वास्थ्य जनसंख्या तथा वातावरण शिक्षा, ९ गते संस्कृततर्फ अनिवार्य संस्कृत भाषा र चैत १० गते ऐच्छिक गणितको परीक्षा हुने छ ।
कक्षा १२ को परीक्षाको नाम एसएलसी हुने गरी शिक्षा ऐनमा संशोधन भएसँगै यस वर्षदेखि कक्षा १० सम्मलाई माद्यमिक शिक्षा परीक्षा लिन थालनी गरिएको हो ।
अन्य विभिन्न प्राविधिक विषयसमेत गरी चैत १४ गतेसम्म परीक्षा सञ्चालन हुने पनिकाले जनाएको छ ।
परीक्षा नियन्त्रक अम्विकाप्रसाद रेग्मीका अनुसार परीक्षाको सम्पूर्ण तयारी पूरा भइसकेको छ । परीक्षाका लागि आवश्यक प्रश्न पत्र, उत्तरपुस्तिका, लगायत परीक्षा सञ्चालनका लागि आवश्यक सम्पूर्ण सामग्री जिल्लाहरुमा पुगिसकेको रेग्मीले बताउनुभयो ।
यस वर्षको परीक्षामा पाँच लाख ३८ हजार एक सय ८२ जना परीक्षार्थी सहभागी हुने पक्का भएको हो । परीक्षाका लागि एक हजार नौ सय २३ केन्द्र र उत्ति नै संख्यामा केन्द्राध्यक्ष, दुई हजार छ सय ४६ सहायक केन्द्राध्यक्ष, २२ हजार चार सय ६१ निरीक्षक, ११ हजार सात सय १६ सहयोगी र २८ हजार आठ सय ४५ जना सुरक्षाकर्मी गरी ६७ हजार पाँच सय ९१ जना जनशक्ति परिचालन हुने बताइएको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
