झापाको दमकमा बन्दले सुनसान पूर्व पश्चिम राजमार्ग क्षेत्र ।सो क्रममा राजधानीमा संघीय समाजवादी फोरमका सह–अध्यक्ष राजेन्द्र श्रेष्ठ, उपाध्यक्ष हेमराज राई, महासचिव रणध्वज कन्दङ्वा, सचिव अजम्बर राई काङमाङ लगायत नेता कार्यकर्तालाई प्रहरीले पक्राउ गरेको थियो ।
त्यस्तै प्रहरीले राजधानीबाटै लिम्बुवानका २५ बढी कार्यकर्तालाई पक्राउ गरेको थियो । देशभर बन्दका क्रममा कुनै अप्रिय घटना नभएको सुरक्षा स्रोतले जनाएको छ ।
बन्दका कारण देशभर यातायातका साधन चलेनन् भने बजार, कलकारखाना र विद्यालय बन्द रहे । दिउँसो भने राजधानीमा केही संख्यामा सवारी साधन चलेका थिए । बन्दका कारण राजधानी बाहिरको जनजीवन भने ठप्प बनेको थियो ।
यसैबीच नेत्रविक्रम चन्द विप्लव नेतृत्वको नेपाल कम्युनिष्ट पार्टीले शनिबार नेपाल बन्दको आह्वान गरेको छ । कञ्चनपुरमा भारतीय सुरक्षा बल एसएसबीले चलाएको गोली लागेर स्थानीय गोविन्द गौतमको मृत्यु भएको घटनालाई लिएर विप्लव समूहले विरोधस्वरूप बन्द आह्वान गरेको बताइएको छ । सरकारले भने शुक्रबार नै गौतमलाई सहिद घोषणा गर्ने बताइसकेको छ ।
यता सप्तरी गोली काण्डमा मारिएका पाँच जनालाई भने सरकारले सहिद घोषणा नगरेको भन्दै मधेसी मोर्चा लगायतले सरकारको विरोध गरेको छ ।