काठमाडौं, २६ फागुन ।
संघीयता, पहिचान र अधिकारका लागि आन्दोलनरत संघीय गठबन्धनले बिहीबार काठमाडांैमा विरोध प्रदर्शन गरेको छ । सप्तरीको राजविराज गोली काण्डको विरोधमा गठबन्धनले बिहीबार विरोध प्रदर्शन गरेको हो । 
आदिवासी जनजाति र मधेशी मोर्चा सहित २८ दलीय गठबन्धनको आह्वानमा भृकुटीमण्डपमा दिउँसो १२ बजे भेला भई ब्यानर र प्ले कार्ड सहितको विरोध र्याली माइतीघर मण्डला पुगेर सभामा परिणत भएको थियो ।
विरोध र्यालीमा गठबन्धनका संयोजक उपेन्द्र यादवसहित शीर्ष नेताहरु सहभागी थिए । बिहीबार नै देशब्यापी सबै जिल्ला सदरमुकामहरुमा विरोध प्रदर्शन भएका छन् ।
गठबन्धनले भोलि शुक्रबार नेपाल बन्दको आह्वान गरेको छ ।
मोर्चाको चर्काे विरोधका बावजूद एमालेले सप्तरीको राजविराजमा आयोजना गरेको सभामा प्रहरीले गोली प्रहार गर्दा ८ जनाको मृत्यु भएको मोर्चा र गठबन्धनले दावी गरेका छन् । सरकारी पक्षले भने चार जनाको मृत्यु भएको जनाएको छ ।
विरोध कार्यक्रमका वक्ताहरुले २६ बुँदे माग राखेर गठबन्धनले परिमार्जन सहित संबिधान संशोधन हुनु पर्ने, सीमांकन हेरफेर गर्नु पर्ने, स्थानीय तहको प्रतिवेदन खारिज हुनु पर्ने, स्थानीय निकायको चुनाव फिर्ता लगायत माग राखेका थिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
