स्थानीय तह निर्वाचनमा महिलालाई विजयी गराउन जोड - Naya Online

स्थानीय तह निर्वाचनमा महिलालाई विजयी गराउन जोड

बिर्तामोड, २३ फागुन ।
आसन्न स्थानीय तहको निर्वाचनमा महिलाको हकअधिकार सुनिश्चितताका लागि महिला उम्मेद्वारलाई विजयी गराउनुपर्नेमा सांसद तथा झापाका सबै पार्टीका महिला नेतृहरुले जोड दिएका छन् ।  Fagun 23 , 2073
संवाद समूहको सचिवालयको संयोजनमा सोमबार झापाको बिर्तामोडमा भएको छलफलका सहभागी सांसद तथा महिला नेतृहरुले संवैधानिक व्यवस्था बमोजिम महिला अधिकार स्थापित गर्न स्थानीय तहबाटै जनप्रतिनिधिको रूपमा महिलालाई निर्वाचित गर्नुपर्नेमा जोड दिएका हुन् ।
मातृ पार्टीहरुले महिलालाई  उचित स्थान नदिए तथा विजयी गराउन इमान्दार नदेखिए सबै महिला एकजुट भई पार्टीभन्दा माथि उठेर योग्य महिला उम्मेद्वारलाई जनप्रतिनिधि बनाएरै छाड्ने सहभागीहरुको भनाइ थियो ।
सहभागी महिला नेतृहरुले मुख्य पदहरुको ५० प्रतिशत र समग्र जनप्रतिनिधि संख्याको ५० प्रतिशत उम्मेद्वार महिलालाई बनाउनुपर्ने समेत धारणा राखेका हुन् ।
पछिल्लो समय खर्चिलो बन्दै गएको निर्वाचन र खर्च गर्ने अधिकार महिलामा कम भएको अवस्थाले निर्वाचन प्रभावित हुन नहुने तथा निर्वाचन प्रचार तडकभडकरहीत हुनुपर्ने समेत उनीहरुले बताए ।
‘स्थानीय तहको निर्वाचन ः महिला नेतृत्वको भूमिका र प्रतिनिधित्व’ विषयक छलफलमा सांसद तथा नेपाली कांग्रेसकी केन्द्रीय सदस्य सरिता प्रसाई, नेपाल महिला संघकी जिल्ला अध्यक्ष सुशीला ढकाल आचार्य, कांग्रेस नेतृ उमा शिवाकोटी, अखिल नेपाल महिला संघकी अध्यक्ष जसमाया गजमेर, नेकपा माओवादी केन्द्रकी नेतृ लक्ष्मी न्यौपाने सरु, राष्ट्रिय प्रजातान्त्रिक महिला संगठनकी अध्यक्ष राधा कार्की, महिला शक्ति महासंघकी अध्यक्ष पनिता ढकालले राजनीतिक पार्टीहरुले महिला सहभागिता सुनिश्चितताका प्रतिबद्धता व्यवहारमा उतार्नुपर्ने बताए ।
त्यस्तै फोरम लोकतान्त्रिककी केन्द्रीय सदस्य उषा राजवंशी, संघीय समाजवादी फोरम नेपालकी नेतृ संगीता रौनियार, सद्भावना पार्टीकी केन्द्रीय सदस्य द्रौपदी गणेशले मधेशी जनताको भावना अनुसार संविधान संशोधन गरी निर्वाचनमा जानुपर्ने र सबै पार्टीका महिला आफ्नो अधिकार स्थापित गर्न एकजुट हुनुपर्नेमा जोड दिएका थिए । उनीहरुले निर्वाचनका बखत नियुक्त गरिने म्यादी प्रहरीमा ५० प्रतिशत महिला हुनुपर्ने समेत माग गरेका हुन् ।
वीरता लेडी जेसीजकी संस्थापक अध्यक्ष शारदा रिजाल, नेपाल उद्यमशील महिला महासंघकी जिल्ला अध्यक्ष पार्वता खरेल विमली, अन्तरपार्टी महिला सञ्जाल कनकाईकी अध्यक्ष सीता बस्नेत लगायतले पार्टीभन्दा माथि उठेर महिलाका अधिकार स्थापित गर्न सचेत भई एकजुट हुनुपर्नेमा जोड दिए ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

ब्रोइलर कुखुराको रोग मानिसमा पनि लाग्दैनः भेटेरिनरी एशोसिएशन

काठमाडौं । बजारमा हल्ला फैलिए जस्तो ब्रोइलर कुखुराको रोग मानिसमा पनि लाग्न सक्ने तथ्यमा...

छुट्टाछुट्टै सवारी दुर्घटनामा ६ जनाको मृत्यु

काठमाडौं, १२ वैशाख । सुर्खेत, भेरीगंगा नगरपलिका–५ रत्न राजमार्ग सडकमा नेपालगञ्जबाट सुर्खेततर्फ आउँदै गरेको...

हामीले पनि आफ्नो तर्फबाट गर्न सक्ने सेवामा योगदान गरौँः मन्त्री चौधरी

काठमाडौँ, १२ वैशाख । महिला, बालबालिका तथा ज्येष्ठ नागरिक मन्त्री भगबती चौधरीले मानव सेवा...

त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी

काठमाडौं । त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी भएको छ । नागरिक उड्डयन...

काठमाडौँबाट धनकुटा आएको हायस मुलघाटमा दुर्घट्ना

धनकुटा । काठमाडौबाट धनकुटा आएको माइक्रो हायस धनकुटा ९, मुलघाटमा अनियन्त्रित भई ५० फिट...

आध्यात्मिकताले खराबी गर्दैन समाजको शुद्धीकरण गर्छः मन्त्री चौधरी

सुनसरी, ३ वैशाख । महिला, बालबालिका तथा ज्येष्ठ नागरिक मन्त्री भगवती चौधरीले सुनसरीको धार्मिक...

धादिङको थाक्रे गाउँपालिका वडा नं ३ झण्डाचुलीमा झण्डातोलन कार्यक्रम सम्पन्न

धादिङ । धादिङको थाक्रे गाउँपालिका वडा नं ३ को झण्डाचुलीमा नेपालको राष्ट्रिय झण्डातोलन कार्यक्रम...

नयाँ वर्षको दिन नुवाकोटमा माङ्चेभुमे जात्रा

नुवाकोट । नुवाकोट जिल्ला शिवपुरी गाउपालिका १ मा नयाँ वर्षको उपलक्ष्यमा सदाको वर्षझैँ भगवान...

शिक्षाको गुणस्तर सुधार गर्न आधारभूत तहबाटै थालनी गर्नुपर्छः मन्त्री चौधरी

काठमाडौँ, ३० चैत । महिला, बालबालिका तथा ज्येष्ठ नागरिकमन्त्री भगवती चौधरीले शिक्षामा गुणस्तरीयता ल्याउन...

सहिद बान्तावाको स्मृति र अर्को संयोग ‘उपनिर्वाचन’

सजन राई माङसेबुङ, २८ चैत । निरंकुश पञ्चायतले ४५ वर्षअघि २७ वर्षीय लक्का जवान...