धनकुटा, २२ फागुन ।
धनकुटामा संघीय समाजवादी फोरम नेपाल निकट पत्रकार संगठित भएका छन् । सोमबार एक कार्यक्रमका बीच संघीय प्रेस फोरम धनकुटा शाखा गठन भएको हो । 
उत्तम देवानको अध्यक्षतामा गठित ११ सदस्यीय समितिका उपाध्यक्ष, सचिव, सहसचिव र कोसाध्यक्षमा क्रमसः दिवा चेम्जोङ, सृजना राई, डम्बर कार्की र सृजना राई चयन भएका छन् ।
सदस्यहरुमा मनिष प्रधान, पार्वती राई, रजिना राई, ममता आले, सुवास राई र टीकाराम राई चयन भएका संघीय प्रेस फोरमका उपमहासचिव कमन देवानले जानकारी दिनुभयो । देवानका अनुसार धनकुटा शाखा गठनसँगै संघीय प्रेस फोरमले लिम्बुवानको ताप्लेजुङ र तेह्रथुम बाहेकका सात वटा जिल्लामा शाखा गठन गरिसकेको छ । लिम्बुवान प्रदेश सम्मेलनको तयारी पनि भइरहेको बताइएको छ ।
कार्यक्रममा ससफो केन्द्रीय सदस्य एवम् लिम्बुवान प्रदेश अध्यक्ष आरसी तुम्बा, राजनीतिक समिति सदस्य राजकुमार राई, ससफो धनकुटा अध्यक्ष बलबहादुर राई, अग्रज पत्रकार सन्जय सन्तोशी राई लगायतले नवगठित समितिलाई बधाई तथा शुभकमना दिनुभयो । कार्यक्रममा पार्टी निकट पूर्व सेना तथा प्रहरी संघका केन्द्रीय सदस्य हर्कनारायण राई, जिल्ला अध्यक्ष डम्बर कटुवाल लगायत सहभागी हुनुहुन्थ्यो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
