राजकुमार याक्खा
संखुवासभा, २१ फागुन ।
संखुवासभाको मादी मुलखर्कका अग्नि पीडितलाई बेलायतवासी संखुवासभा समाज बेलायतले राहत रकम उपलब्ध गराएको छ । 
शुक्रबार चैनपुरस्थित कन्चन्जङघा होटलमा समाजका वरिस्ठ उपाध्यक्ष बसुन्धरा याक्खाले समाजका तर्फबाट अग्नि पीडित राहत संकलन तथा पूनर्निर्माण सहयोग समिति मूलखर्क बजारका सचिब दुर्गाप्रसाद निरौला लाई राहत वापत दुई लाख ४८ हजार नौ सय ७५ रूपैयाँ हस्तान्तरण गर्नुभएको हो ।
उक्त कार्यक्रममा नेपाल रेडक्रस सोसाइटी चैनपुर उपशाखा प्रमुख टिकाराम साही र नेपाल रेडक्रस सोसाइटी मादी मुलखर्क उपशाखा प्रमुख बद्रीप्रसाद दाहाल, संखुवासभा समाज बेलायतका संरक्षक खगेन्द्र याक्खा, कविराज याक्खा, सिता राई, सगेन्द्र याक्खा र पत्रकार राजकुमार याक्खा लगायतको सहभागिता रहेको थियो ।
गत २०७३ साल कार्तिक १५ गते राति मादी नगरपालिका ३ स्थित मूलखर्क बजारमा आगलागी हुँदा सात घर जलेर नष्ट भएका थिए ।
सन् २००७ मा सेवा भावले स्थापित बेलायतवासी संखुवासभालीहरुको संस्था संखुवासभा समाज बेलायतले विपत्तिमा परेका जो कोहीलाई पनि सकेसम्म उद्वार गर्ने संस्थाकी वरिष्ठ उपाध्यक्ष याक्खाले बताउनु भयो ।
यस अघि पनि मनिस खालिङ बचाउ अभियान, फच्याङ पहिरो पीडित, विभिन्न स्कूल र टोलहरुमा राहत र सहयोग रकमहरू उपलब्ध गराइएको उहाँले बताउनुभयो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
