चेतन आङथुपो
इलाम । ७ फागुन ।
नेपाल पत्रकार महासंघ इलाम शाखामा समानन्तर समिति गठन हुने भएको छ ।
शाखाको दशौं अधिवेशनले नेपाल प्रेस युनियन र संघीय प्रेस फोरम नेपालको संयुक्त शाखा समिति घोषणा गरेको छ भने प्रेस चौतारी नेपाल र प्रेस सेन्टर नेपालले भने आइतबार मात्रै समिति गठन गर्ने जनाएका छन् । 
प्रेस युनियन र संघीय प्रेस आबद्ध समूहले नेपाल पत्रकार महासंघ इलाम शाखा अध्यक्षमा युवराज भट्टराई ‘विप्लव’लाई चयन गरेको छ । त्यस्तै उपाध्यक्षमा गणेश घिमिरे र बन्दना राई, सचिवमा टीका खतिवडा, सहसचिवमा दिनेश सुवेदी, वेदमाया मुखिया (सोनु) र कोषाध्यक्षमा प्रेम अधिकारीलाई चयन गरेको हो । महिला सदस्यमा सुजता सुनुवार र जनजाति सदस्यमा सुप्रिया श्रेष्ठ रहेका छन् ।
यसैगरि सदस्यमा सोमनाथ सुसेली, विजयशेखर भट्टराई, तोयानाथ भट्टराई, प्रभाकर प्रधान, सुदिप श्रेष्ठ र ठोमनाथ तिम्सिनालाई चयन गरिएको छ ।
केन्द्रीय पार्षंदहरुमा सुवास गुरागाई, धर्मराज शर्मा (धड्कन), कुवेर निरौला, दिपकराज शर्मा, हरिप्रसाद लुइटेल, होम ढकाल, लोकेन थेवे, मौषम बस्नेत, ठाकुर नेपाल, जीवन शर्मा, युवराज गौतम, उर्मिला सुवेदी, राम योङहाङ, माधव घिमिरेलाई चयन गरिएको छ ।
प्रदेश पार्षदमा गगन घिमिरे, देवीप्रसाद अधिकारी, कृष्णकला खतिवडा, गोविन्द पौडेल, गोविन्द मिश्र, सविता पाण्डे, रेश्मा अधिकारी, टंक खनाल, सरस्वती लिम्बु, नुतन रञ्जितकार, रञ्जन घिमिरे (राजु), दुर्गाभवानी पोख्रेल, सुवास भट्टराई, सरोज कटुवाल, राजिव न्यौपाने, सरोज खतिवडा, कमला थापा र मिना खतिवडा रहेका छन् ।
तर चौतारी र प्रेस सेन्टरले भने आइतबार मात्रै समिति चयन कार्यक्रम गर्ने जनाएको छ । यसअघि युनियन र संघीय प्रेसले दुई दिनअघि शाखा कार्यालयमा तालाबन्दी गरेका थिए । दुई पक्षबीच वार्ता नमिलेपछि अलगै समिति गठन गरिएको संघीय प्रेस फोरम इलामका अध्यक्ष ज्ञानु केदेमले जानकारी दिनुभयो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
