इटहरी, माघ २७ ।
किरात राई विद्यार्थी संघ किरात राज्य समितिको ऐतिहासिक प्रथम भेला बिहिबार सुनसरीको इटहरीमा सम्पन्न भएको छ । पूर्वको १६ ओटा जिल्लालाई किरात राज्य समिति मान्दै आएको विद्यार्थी संघले आफ्नो आठौ राष्ट्रिय सम्मेलन पश्चात पहिलो किरात राज्य भेला गरेको हो ।
किरात राज्य समितिका इञ्चार्ज रामचन्द्र राईको अध्यक्षतामा तथा किरात राई यायोक्खाका केन्द्रीय अध्यक्ष श्री तिलक राई ज्यूको प्रमुख आतिथ्यतामा सम्पन्न भएको थियो । संघका निवर्तमान अध्यक्ष तथा सल्लाहाकार अर्जुन जम्नेलीले भन्नु भयो–आसन्न स्ववियु निर्वाचनमा अहिलेको मिश्रित निर्वाचण प्रणालि नभइ विद्यार्थी भर्ना संख्याको आधारमा पूर्ण समानुपातिक निर्वाचन प्रणालि मार्फत चुनाव गराए मात्र सम्पूर्ण विद्यार्थीहरुको भाव र मर्मलाई समेट्न सकिने बताउनु भयो ।
अहिले स्ववियुको चुनाव हुने नहुने भन्नेमा ५०÷५० प्रतिशत सम्भावना भएको अवस्थामा उत्पिडित विद्यार्थीहरुको मागलाई सम्बोधन गर्न नसके फेरि पनि स्ववियु चुनावको सम्भावना न्यून बन्दै गएको बताउनु भयो । कार्यक्रममा किरात राई विद्यार्थी संघको संस्थापक सदस्य भिम राई, पूर्व अध्यक्ष भोगिराज राई, पूर्व उपाध्यक्ष देवान किराती, नेपाल आदिवासी जनजाति महासंघ जिल्ला समन्वय समिति सुनसरि अध्यक्ष राम कुमार राई, नेपाल आदिवासी जनजाति विद्यार्थी महासंघ राष्ट्रिय समन्वय समिति सदस्य यलमहाङ राई लगायतले शुभकामना मन्तव्य राखेका थिए । कार्यक्रममा सचिव सुसन राईको सञ्चालन रहेको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
