दमक, माघ २४ ।
लिम्बू विद्यार्थी मञ्चले आसन्न स्वतन्त्र विद्यार्थी युनियनको निर्वाचन पूर्ण समानुपातिक र जातीय समानुपातिकताका आधारमा गर्न माग गरेको छ । 
सोमबार मञ्चबाट जारी प्रेस विज्ञप्तिमा हाल तय गरिएको मिश्रित निर्वाचन प्रणालीले स्ववियु र शिक्षा क्षेत्रको विकृति विसंगति अन्त्य गर्न नसक्ने दावी गरिएको छ ।
मञ्चका वरिष्ठ उपाध्यक्ष नितेश सिंगक र उप–महासचिव उत्सव सम्बाहाम्फेले संयुक्त हस्ताक्षर गरी जारी गरिएको विज्ञप्तिमा पूर्ण समानुपातिक निर्वाचन प्रणालीका लागि आन्दोलन गर्दा विद्यार्थी नेता मनिल तामाङले सहादत प्राप्त गरेको बलिदानीपूर्ण इतिहासलाई बिर्सन नहुने पनि स्मरण गराइएको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
