अपडेट । चितवन
नेपाल आदिवासी जनजाति महासंघको नवौं महाधिवेशनमा आज राती ८:३० बजेदेखि मतदान सुरु भएको छ ।
विभिन्न ५५ जातिका मताधिकार प्राप्त प्रतिनिधिहरुले एक अध्यक्ष, एक महिलासहित ८ उपाध्यक्ष, एक महासचिव र चार महिलासहित ८ सचिव र एक कोसाध्यक्षका लागि मतदान गर्दैछन् ।
अध्यक्ष पदमा गठबन्धन उम्मेद्वार जगत वराम र एमालेका उम्मेद्वार सूर्य भुजेलबीच प्रतिस्पर्धा हुँदैछ । त्यस्तै महासचिवमा गठबन्धनबाट नित्यानन्द ताजपुरियाको उम्मेद्वारी परेको छ । उनी बलियो प्रतिद्वन्द्वी मानिएका छन् ।उनको प्रतिद्वन्द्वीमा टासी ह्यल्मोको उम्मेद्वारी परेको छ ।
त्यस्तै कोसाध्यक्षमा मुकुन्दबहादुर पहरी र प्रेमीलालप्रसाद चौधरीको उम्मेद्वारी परेको छ । पहरी गठबन्धन निकट हुन् भने चौधरी एमाले प्यानलका उम्मेद्वार हुन् ।
७ खुला उपाध्यक्षतर्फ १४ जनाको उम्मेद्वारी परेको छ भने एक महिला उपाध्यक्षमा दुई जना भिड्दैछन् । खुला ४ सचिवमा ९ जनाको उम्मेद्वारी परेको छ भने चार महिला सचिवमा ६ जनाको उम्मेद्वारी परेको छ ।
कांग्रेस, माओवादी केन्द्र र समाजवादी गठवन्धनभित्र छलकपट नहुने हो भने एमाले प्यानल पत्तासाफ हुने अनुमान गरिएको छ । ५५ मतमा एमालेसँग १५ मत मात्रै रहेको छ भने गठबन्धनतर्फ ४० मत रहेको अनुमान गरिएको छ । एमालेले स्वतन्त्र १० मत खरिद गरेको धेरैको अनुमान छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
