नेपाल आदिवासी जनजाति महासंघको नवौं राष्ट्रिय सम्मेलन सुरु हुँदै - Naya Online

नेपाल आदिवासी जनजाति महासंघको नवौं राष्ट्रिय सम्मेलन सुरु हुँदै

चितवन । नेपाल आदिवासी जनजाति महासंघको नवौं महाधिवेशन आज केही बेरमा चितवनमा सुरु हुँदैछ ।
प्रधानमन्त्री पुष्पकमल दाहाल प्रचण्डले उद्घाटन गर्नुहुने महासंघको नवौं महाधिवेशनलाई अन्य मन्त्री गण र विभिन्न पार्टीका जनजाति नेताहरूले सम्बोधन गर्ने कार्यक्रम रहेको नेपाल आदिवासी जनजाति महासंघ नवौं राष्ट्रिय महाधिवेशन आयोजक समितिको सचिवालयले जनाएको छ ।
सचिवालयका अनुसार महाधिवेशनको उद्घाटन भन्दा अघि हाल विभिन्न जातीय संस्थाहरूको सांस्कतिक झाँकीसहितको विशाल र्यालीले चितवनका मुख्य स्थानहरूको परिक्रमा सुरु भएको छ ।
स्थानीय वीरेन्द्र बहुमुखी क्याम्पसमा आज शनिबार उद्घाटनसत्र सम्पन्न हुने र भोलिदेखि सोमबारसम्म चल्ने बन्दसत्रको कार्यक्रम चितवनस्थित कला मन्दिरमा सम्पन्न हुने बताइएको छ ।
महासंघमा आबद्ध विभिन्न ५६ जातिका एक मतदाता प्रतिनिधिसहित प्रत्येक जातीय संस्थाबाट चार जनाका दरले प्रतिनिधि र पर्यवेक्षकहरूको सहभागिता रहने छ । महासंघ अन्तर्गत विभिन्न ६० बढी जिल्ला समन्वय परिषद्हरूबाट पर्यवेक्षक सहभागी हुने छन् ।

अध्यक्षको बलियो प्रत्यासी ताजपुरिया

महासंघको नावौं राष्ट्रिय महाधिवेशनबाट अध्यक्षका प्रत्यासीका रूपमा तीन जना प्रतिस्पर्धीको नाम अघि आएको बताइएको छ । स्रोतका अनुसार अध्यक्षमा ताजपुरिया समाज कल्याण परिषद्का पूर्व अध्यक्ष एवम् आदिवासी जनजाति नेता नित्यानन्द ताजपुरियाको सम्भावना बलियो छ । ताजपुरिया बिगत २३ वर्षदेखि आदिवासी जनजाति आन्दोलनको अभियन्तासमेत हुन् । उनले तराईका आदिवासी जनजाति समुदायको सूचिकरण, जेप परियोजन (जनजाति सशक्तिकरण) सञ्चालनलगायत विभिन्न कार्यमा योगदान गरेका छन् । महासंघको संघीय परिषद्मा लामो अनुभव बटुलेका उनले अनुसन्धान र विदेश सचिव भएर भूमिका निर्वाह गरिसकेका छन् । उनी नेपाल जेसीजका पूर्व महासचिव पनि हुन् । महासंघको सबै जसो आन्दोलनमा भूमिका निर्वाह गरेका ताजपुरिया अन्य उम्मेद्वारका तुलनामा बलिया र अनुभवी देखिन्छन् । उनको पक्षमा अधिकांश जातीय प्रतिनिधिहरूको समर्थन रहेको बताइएको छ । ताजपुरिया संघीय समाजवादी फोरमका केन्द्रीय सदस्य र कानुन विभाग प्रमुखसमेत हुन् ।
त्यस्तै किरात राई यायोक्खाका तर्फबाट अध्यक्षको उम्मेद्वार बनेका सर्वधन राई यायोक्खामा संलग्न अभियन्ता हुन् । तर, उनी एमाले समर्थित भए पनि एमालेले भने आधिकारिक रूपमा भूजेल सेवा समाजका तफृबाट उम्मेद्वार बनेका सूर्य भूजेललाई समर्थन गर्ने बताइएको छ ।
स्रोतका अनुसार नेपाली काँग्रेसका तर्फबाट हाल महासंघ कोषाध्यक्ष रहेका जगत बरामलाई अध्यक्षको प्रत्यासी बनाउने भनिए पनि उनी उम्मेद्वार हुने वा नहुने टुङ्गो लागेको छैन । माओवादी केन्द्रले भने नवाङ शेर्पाको नाम अघि सारेको बुझिएको छ । उनी नेपाल शेर्पा संघका महासभिव र पूर्वसभासद् लक्की शेर्पाका श्रीमान् हुन् ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

दुतावासको सहयोग र पिएनसीसीको समन्वयमा दुई नेपालीको उद्धार

जेडी गाउँले क्वालालम्पुर । मलेसियास्थित नेपाली राजदूतावासले दुईजना पीडित नेपाली श्रमिकको उद्धार गरि नेपाल...

फोनिजद्वारा प्रदेशस्तरीय पत्रकार महिलाहरुको प्रथम भेला तथा क्षमता विकास सचेतना कार्यक्रम

इटहरी । नेपाल आदिवासी जनजाति पत्रकार महासंघ (फोनिज) प्रदेश कार्यसमितिको आयोजनामा प्रदेशस्तरीय पत्रकार महिलाहरुको...

अन्तर्राष्ट्रिय परदेशी साहित्यिक समूहद्वारा प्रकाशित परदेशी विम्बहरू… लोकार्पित

धरान । अन्तर्राष्ट्रिय परदेशी साहित्यिक समूहले पुस्तक लोकार्पण, परिचर्चा, सृजना बाचन तथा पुरस्कार सम्मान...

‘मेरो जीवनयात्रा’को विमोचन, ८४ बर्षमा ल्याए थाम्सुहाङ्ले आफ्नो आत्मपरक कृति

पाँचथर । ७ बैशाख २०८१ शुक्रबार । देवमान थाम्सुहाङ्द्वारा लिखित ‘मेरो जीवनयात्रा’ कृतिको विमोचन...

किरात याक्थुङ चुम्लुङ लिसापको २०औँ स्थापना दिवस मनाइयो

पाँचथर । ५ बैशाख २०८१ बुधबार । लिम्बू सांस्कृतिक परिषदको २०औँ स्थापना दिवस मनाइएको...

आध्यात्मिकताले खराबी गर्दैन समाजको शुद्धीकरण गर्छः मन्त्री चौधरी

सुनसरी, ३ वैशाख । महिला, बालबालिका तथा ज्येष्ठ नागरिक मन्त्री भगवती चौधरीले सुनसरीको धार्मिक...

‘चे’ अर्थात् ‘लास’ बजारमा आउँदै

काठमाडौ । ३ बैशाख २०८१ सोमबार । लिम्बू कथानक चलचित्र ‘चे’ को छायांकन सकिएको...

धादिङको थाक्रे गाउँपालिका वडा नं ३ झण्डाचुलीमा झण्डातोलन कार्यक्रम सम्पन्न

धादिङ । धादिङको थाक्रे गाउँपालिका वडा नं ३ को झण्डाचुलीमा नेपालको राष्ट्रिय झण्डातोलन कार्यक्रम...

शिक्षाको गुणस्तर सुधार गर्न आधारभूत तहबाटै थालनी गर्नुपर्छः मन्त्री चौधरी

काठमाडौँ, ३० चैत । महिला, बालबालिका तथा ज्येष्ठ नागरिकमन्त्री भगवती चौधरीले शिक्षामा गुणस्तरीयता ल्याउन...

नयाँ वर्षमा सुगुप काकरभिट्टामा प्रदर्शन हुँदै

विराटनगर । चलचित्र सुगुप नेपाली नयाँ वर्ष २०८१ को अवसर पारेर किरात याक्थुङ चुम्लुङ...