पथरी, ११ कार्तिक ।
संघीय समाजवादी फोरम नेपालअन्तर्गत समाजवादी युवा फोरमको लिम्बुवान प्रदेश समिति भेला कार्तिक २७ गते सम्पन्न हुने भएको छ ।
प्रदेश भेलाका लागि बिहीबार मोरङको पथरीस्थित सिरिजङ्गा पार्कमा सम्पन्न प्रारम्भिक भेलाले कार्तिक २७ गते झापाको दमकस्थित किरात भवनमा भेला सम्पन्न गर्ने निर्णय गरेको हो । ससफो नेपाल लिम्बुवान प्रदेश समितिका युवा इन्चार्ज प्रेम वनेमको अगुवाईमा सम्पन्न भेलाले आवश्यक तयारीका लागि समाजवादी युवा फोरमका केन्द्रीय सदस्य एवम् लिम्बुवान प्रदेश समिति इन्चार्ज ताजुव लिम्बूले जानकारी दिनुभयो । 
भेला सम्पन्न गर्ने बारे आवश्यक तयारीका विषयमा ससफो नेपाल केन्द्रीय सदस्य एवम् लिम्बुवान समितिका उपाध्यक्ष विश्वदीप लिङ्देन, केस एवम् लिम्बुवान प्रदेश समितिका मुख्य सचिव लोकसागर साम्बा, प्रदेश समिति सदस्य एवम् युवा सह–इन्चार्ज बिनोद नेम्बाङ, विद्यार्थी र प्रेस संयन्त्र इन्चार्ज कमन देवान, युवा केन्द्रीय सदस्य पाण्डवलाल चौधरी, ससफो नेपाल झापाका उप–सचिव सुशीलकुमार राईलगायतले बोलेका थिए ।
प्रारम्भिक भेलाले लिम्बुवानअन्तर्गत संखुवासभा, तेह्रथुम, धनकुटा, पान्थर, इलाम र ताप्लेजुङबाट प्रतिजिल्ला एक महिलासहित तीन जना प्रतिनिधि डाकिने र ठूलो जनसंख्या भएका झापा, मोरङ र सुनसरीबाट दुई महिलासहित पाँच जना प्रतिनिधि डाक्ने निर्णय गरेको समाजवादी युवा फोरमका केन्द्रीय सदस्य नितेश सिंगकले जानकारी दिनुभयो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
