डेंगु संक्रमित एक सय १५ पुगे, स्वास्थ्य विभागको ध्यानाकर्षण - Naya Online

डेंगु संक्रमित एक सय १५ पुगे, स्वास्थ्य विभागको ध्यानाकर्षण

दमक, १० कार्तिक ।
झापाको दमकमा डेंगु रोगको संक्रमण बढिरहे पनि सरोकारवाला निकायहरूले बेवास्था गरेको भन्दै दमक उद्योग बाणिज्य संघले स्वास्थ्य मन्त्रालयअन्तर्गत स्वास्थ्य विभागको ध्यानाकर्षण गराएको छ । press-meet-2दमकमा अहिलेसम्म एक सय १५ जनाभन्दा बढीमा डेंगुको संक्रमण देखिएको छ । तर, जिल्ला जनस्वास्थ्य कार्यालय झापालगायतका सरोकारवाला निकायहरूले भने संक्रमण फैलन नदिने उपायका लागि ठोस पहल नगरेको दमक उद्योग बाणिज्य संघका अध्यक्ष राजेन्द्र ढकालले जानकारी दिनुभयो । बुधबार संघको कार्यालयमा आयोजित पत्रकार भेटघाटमा ढकालले भन्नुभयो –‘सरकारी तवरले जुन गम्भीरताका साथ काम हुनुपर्ने हो त्यो पाइएन ।’ उहाँले बार्णिज्य संघका तर्फबाट भने पटक–पटक आवश्यक चेतनामूलक कार्यक्रमका लागि जनस्वास्थ्य कार्यालयका कार्यक्रमलाई सघाइएको स्पष्ट पार्नुभयो ।
दमकको एकमात्र सरकारी अस्पताल दमक अस्पतालमा बिरामीका लागि बेडको पनि अभाव रहेको र आवश्यक उपचार उपकरण पनि नभएको ढकालले गुनासो गर्नुभयो । संक्रमण झन झन बढ्दै गएकोप्रति चिन्ता व्यक्त गर्दै संघका तर्फबाट विभागसमक्ष आवश्यक बेड उपलब्ध गराइदिन र डेंगु उपचार किटको व्यवस्था गर्न माग गरिएको छ । अस्पतालमा रगत परीक्षणका लागि आवश्यक ल्याब पनि नभएको भन्दै संघले विभागको ध्यानाकर्षण गरेको हो ।   press-meet-1जिल्ला जनस्वास्थ्य कार्यालय झापाले भने डेंगु संक्रमित बिरामीहरूको निःशुल्क उपचार गर्ने भन्दै उपचारका लागि दमक अस्पताललाई निर्देशन दिएको छ । तर, अस्पतालमा आवश्यक पूर्वाधार नै नभएपछि बिरामी भने दमक र अन्यत्रका निजी अस्पतालमा सशुल्क उपचार गराइरहेका छन् । यसैबीच बुधबारबाट भने दमकको आम्दा अस्पताल र लाइफलाइन अस्पतालले भने डेंगु संक्रमितलाई निःशुल्क उपाचारको व्यवस्था मिलाएको जनाएका छन् ।
केही दिनअघि स्वास्थ्य विभागबाट विज्ञहरूको टोली दमक आएका थिए । त्यस्तै क्षेत्रीय स्वास्थ्य निर्देशनालय धनकुटाबाट निर्देशकसहितको टोली पनि दमक आएर डेंगु संक्रमण बारे आवश्यक जानकारी लिएको थियो । तर, रोगको संक्रमण रोकथामका लागि आएका टोलीहरूले भत्तामात्रै पचाएर फर्किएको समाचार स्रोतले जनाएको छ । विभागमै ध्यानाकर्षण गराइएपछि भने मातहतका स्वास्थ्य सम्बन्धी निकायहरूले सक्रियता देखाउन थालेका छन् ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

ब्रोइलर कुखुराको रोग मानिसमा पनि लाग्दैनः भेटेरिनरी एशोसिएशन

काठमाडौं । बजारमा हल्ला फैलिए जस्तो ब्रोइलर कुखुराको रोग मानिसमा पनि लाग्न सक्ने तथ्यमा...

छुट्टाछुट्टै सवारी दुर्घटनामा ६ जनाको मृत्यु

काठमाडौं, १२ वैशाख । सुर्खेत, भेरीगंगा नगरपलिका–५ रत्न राजमार्ग सडकमा नेपालगञ्जबाट सुर्खेततर्फ आउँदै गरेको...

हामीले पनि आफ्नो तर्फबाट गर्न सक्ने सेवामा योगदान गरौँः मन्त्री चौधरी

काठमाडौँ, १२ वैशाख । महिला, बालबालिका तथा ज्येष्ठ नागरिक मन्त्री भगबती चौधरीले मानव सेवा...

त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी

काठमाडौं । त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी भएको छ । नागरिक उड्डयन...

काठमाडौँबाट धनकुटा आएको हायस मुलघाटमा दुर्घट्ना

धनकुटा । काठमाडौबाट धनकुटा आएको माइक्रो हायस धनकुटा ९, मुलघाटमा अनियन्त्रित भई ५० फिट...

आध्यात्मिकताले खराबी गर्दैन समाजको शुद्धीकरण गर्छः मन्त्री चौधरी

सुनसरी, ३ वैशाख । महिला, बालबालिका तथा ज्येष्ठ नागरिक मन्त्री भगवती चौधरीले सुनसरीको धार्मिक...

धादिङको थाक्रे गाउँपालिका वडा नं ३ झण्डाचुलीमा झण्डातोलन कार्यक्रम सम्पन्न

धादिङ । धादिङको थाक्रे गाउँपालिका वडा नं ३ को झण्डाचुलीमा नेपालको राष्ट्रिय झण्डातोलन कार्यक्रम...

नयाँ वर्षको दिन नुवाकोटमा माङ्चेभुमे जात्रा

नुवाकोट । नुवाकोट जिल्ला शिवपुरी गाउपालिका १ मा नयाँ वर्षको उपलक्ष्यमा सदाको वर्षझैँ भगवान...

शिक्षाको गुणस्तर सुधार गर्न आधारभूत तहबाटै थालनी गर्नुपर्छः मन्त्री चौधरी

काठमाडौँ, ३० चैत । महिला, बालबालिका तथा ज्येष्ठ नागरिकमन्त्री भगवती चौधरीले शिक्षामा गुणस्तरीयता ल्याउन...

सहिद बान्तावाको स्मृति र अर्को संयोग ‘उपनिर्वाचन’

सजन राई माङसेबुङ, २८ चैत । निरंकुश पञ्चायतले ४५ वर्षअघि २७ वर्षीय लक्का जवान...