अष्ट्रेलिया ।
क्रिएटिभ सर्कल अष्ट्रेलियाले प्रकाशन गरेको नेपालीभाषी भुटानी अष्टे«लियन स्रष्टाहरूको संयुक्त गजल कृति एक साताअघि मेलवर्नमा विमोचन गरिएको हो ।
संयुक्त गजल कृतिमा तेस्रो मुलुक पुनर्वास कार्यक्रमअन्तर्गत अष्ट्रेलिया पुगेका २५ जना गजलकारहरूको सिर्जना समावेश भएको बताइएको छ । १५ अक्टुबर शनिबारका दिन मेलवर्नमा आयोजित साँस्कृतिक तथा साहित्यिक कार्यक्रमका बीच साहित्यकार तथा चलचित्र निर्देशक प्रकाश आङदेम्बेलगायतले पुस्तक लोकापर्ण गर्नुभएको थियो । 
तीन सय पृष्ठको सो कृति क्रिएटिभ सर्कल अष्ट्रेलियाको प्रकाशन तथा दुर्गा रिमालको सम्पादनमा प्रकाशित भएको सम्पादक रिमालले जानकारी दिनुभयो । रिमालले अष्ट्रेलियाकै स्थानीय रेडियोमार्फत नेपाली रेडियो कार्यक्रम र अनलाईनमार्फत नेपाली टेलिभिजन कार्यक्रम ‘साझा आवाज’ सञ्चालन गर्दै आउनुभएको छ ।
कृतिमाथि साहित्यकनर आङ्देम्बेले परिचर्चा गर्नुभएको थियो । उहाँले भन्नुभयो –‘बीसौं वर्षसम्म आफ्नो पुर्खाको थलोमा शरणार्थी जीवन जस्तो दर्दनाक जीवन यापन गर्दा पनि नेपाली कला र साहित्यको लागि धेरै धेरै सृजनशील कार्यहरु भए । आज तेस्रो देश पुनर्वास भएर पनि नेपाली भाषा साहित्यका लागि निरन्तर लागिपरिहनु भएको छ । वास्तवमा मनै देखिको नेपाली तपाइहरु नै हो ।’
पाँच सय बढी कार्यक्रममा सहभागी मध्येबाट प्रतिनिधि प्रतिनिध गजल वाचन, साँस्कृतिक नृत्य, गायन आदि प्रस्तुत भएका थिए । कार्यक्रमको सभापतित्व भुटानी समाज अष्ट्रेलियाका सभापति देवी घिमिरेले गर्नुभएको थियो भने सञ्चालन रेडियोकर्मी तथा साहित्यकार प्रकाश धमला ‘क्षितिजको मित्र’ले गर्नुभएको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
